قر پرەمەر-مينيسترٸ اسقار ماميننٸڭ تٶراعالىعىمەن بەينەكونفەرەنتسييا بايلانىسى رەجيمٸندە ەۋرازييالىق دامۋ بانكٸ (ەادب) كەڭەسٸنٸڭ وتىرىسى ٶتتٸ, – دەپ حابارلايدى ٷكٸمەت باسشىسىنىڭ باسپاسٶز قىزمەتٸ.
وتىرىسقا بانك اكتسيونەرلەرٸنٸڭ ٶكٸلەتتٸ ٶكٸلدەرٸ: ارمەنييادان قارجى مينيسترٸنٸڭ ورىنباسارى ارمەن ايراپەتيان, بەلارۋستەن قارجى مينيسترٸ يۋريي سەليۆەرستوۆ جەنە ەكونوميكا مينيسترٸ د. كرۋتوي, قىرعىزستاننان قارجى مينيسترٸ باقتىگٷل جەەنباەۆا, رەسەيدەن قارجى مينيسترٸ انتون سيلۋانوۆ, تەجٸكستاننان قارجى مينيسترٸ فايزيددين كاححورزودا قاتىستى. وتىرىستى اشقان اسقار مامين جاقىندا ەادب باسقارما تٶراعاسى قىزمەتٸنەن كەتكەن اندرەي بەليانينوۆقا نەتيجەلٸ جۇمىسى ٷشٸن العىس ايتىپ, جاڭادان تاعايىندالعان بانك باسشىسى نيكولاي پودگۋزوۆقا تابىس تٸلەدٸ.
وتىرىس بارىسىندا كەڭەس ەادب تسيفرلىق باستامالار قورى تۋرالى ەرەجەنٸ بەكٸتتٸ. جاڭا قوردىڭ ماقساتى — ەۋرازييالىق ەكونوميكالىق وداقتىڭ 2025 جىلعا دەيٸنگٸ تسيفرلىق كٷن تەرتٸبٸنٸڭ نەگٸزگٸ باعىتتارى اياسىندا ٸسكە اسىرىلاتىن, ونىڭ ٸشٸندە جوبالاردى ەزٸرلەۋگە جەنە قارجىلاندىرۋعا قاتىسۋ جەنە اقپاراتتىق رەسۋرستاردى ينتەگراتسييالاۋ ارقىلى تسيفرلىق ترانسفورماتسييا قۇرالدارى مەن تەجٸريبەلەرٸن قالىپتاستىرۋعا بانككە قاتىسۋشى ەلدەرگە كٶمەك كٶرسەتۋ.
حالىقارالىق دامۋ بانكتەرٸنٸڭ ٷزدٸك تەجٸريبەلەرٸنە سەيكەس ەادب كەڭەسٸ جانىنان كادرلار جٶنٸندەگٸ كوميتەت قۇرىلدى, ول تۋرالى ەرەجە كەڭەس وتىرىسى اياسىندا بەكٸتٸلدٸ. كەڭەس ەۋرازييالىق دامۋ بانكٸنٸڭ 2019 جىلعى جۇمىسىن قورىتىندىلادى – ەادب قازٸرگٸ ينۆەستيتسييالىق پورتفەلٸ $4,3 ملرد دەيٸن 25,6%-عا ۇلعايدى. بالانستىق پورتفەل 31%-عا $2,8 ملرد دەيٸن ٶستٸ. پورتفەلٸندە ەڭ كٶپ ٷلەسٸ بار ەلدەر — رەسەي (45,7%) جەنە قازاقستان (40,1%). 2019 جىلدىڭ قورىتىندىسى بويىنشا اعىمداعى ينۆەستيتسييالىق پورتفەلدٸڭ سالالىق قۇرىلىمى ٶزگەرگەن جوق – ەڭ ٷلكەن ٷلەس ەنەرگەتيكاداعى (21,1%), كٶلٸكتەگٸ (18,9%), قارجى سەكتورىنداعى (18,7%) جوبالارعا تيەسٸلٸ. 2019 جىلى جالپى سوماسى $1,3 ملرد بولاتىن 27 جاڭا جوبا بويىنشا كەلٸسٸمگە قول قويىلدى. ب
انك بارلىق قاتىسۋشى مەملەكەتتەردە ٶزٸنٸڭ قاتىسۋىن بەلسەندٸ تٷردە دامىتىپ, قولدانىستاعى ستراتەگييانى ەسكەرە وتىرىپ, ۇلتتىق دامۋ جوبالارى مەن ەلەۋلٸ ينتەگراتسييالىق تيٸمدٸلٸگٸ بار جوبالاردى قارجىلاندىرۋدى جٷزەگە اسىردى. بانك پورتفەلٸندەگٸ ينتەگراتسييالىق جوبالاردىڭ ٷلەسٸ ماقساتتى مەننەن اسىپ, 54,4%-عا جەتتٸ. بانكتٸڭ قارىز الۋىنىڭ جيىنتىق كٶلەمٸ $2,6 ملرد قۇرادى. 2019 جىلى ەادب جالپى سوماسى 80 ملرد تەڭگەگە بەس وبليگاتسييا شىعارىلىمىن, جالپى سوماسى 23 ملرد رۋبلگە بەس وبليگاتسييا شىعارىلىمىن ورنالاستىردى, سونداي-اق $201 ملن ەۋرووبليگاتسييالار شىعارىلىمىن ەكٸنشٸ رەت ورنالاستىردى.
ينۆەستيتسييالىق پورتفەلدٸڭ ايتارلىقتاي ٶسۋٸن ەسكەرە وتىرىپ, ەادب ونىڭ ساپاسىن تيٸستٸ دەڭگەيدە ساقتاي الدى. بالانستىق پورتفەلدەگٸ پروۆيزييالار ٷلەسٸ 2019 جىلى 3,2%-دان 2,4%-عا دەيٸن تٶمەندەدٸ. 2019 جىلدىڭ قورىتىندىسى بويىنشا بانكتٸڭ كٸرٸسٸ $68,9 ملن قۇرادى. كاپيتالدىڭ تابىستىلىعى – 3,8%.
قازاقستاندا ينۆەستيتسييالىق قىزمەتتٸ دامىتۋ ٷشٸن قازاقستاننىڭ ۇلتتىق بانكٸمەن ەادب-گە 200 ملرد تەڭگە ليميتٸمەن قارجى تارتۋعا مٷمكٸندٸك بەرەتٸن كەلٸسٸمگە قول قويۋدىڭ ماڭىزى زور. حالىقارالىق رەيتينگتٸك اگەنتتٸكتەر ەادب قارجىلىق تۇراقتىلىعىنا جوعارى باعا بەردٸ: Standard&Poor 's بانكتٸڭ رەيتينگٸن ۆۆۆ دەيٸن كٶتەردٸ, Moody' s اگەنتتٸگٸ Baa1 راستادى, ال Fitch اگەنتتٸگٸ BBB+ رەيتينگٸن بەردٸ.
