QR Premer-Ministri Asqar Mamin Erevan qalasyna sapary aiasynda Eýraziialyq úkimetaralyq keńes (EÚAK) otyrysyna qatysyp, onda jańa ekonomikalyq shynaiylyq jaǵdaiynda EAEO-nyń básekege qabilettiligin nyǵaitý boiynsha birqatar bastama kóterdi. Bul jaiynda Úkimet basshysynyń baspasóz qyzmeti habarlady.
Úkimet basshysy erkin naryqtardyń tiimdi jumys isteýin qamtamasyz etý maqsatynda tsifrlyq integratsiialyq platformany paidalaný jáne salyq, keden organdarynyń keńeitilgen elektrondyq ózara is-qimyly negizinde EAEO-nyń salyqtyq-kedendik senim keńistigin qalyptastyrýdy usyndy.
«Mundai jaǵdaida Qazaqstan Prezidenti Qasym-Jomart Kemeluly Toqaevtyń Odaqtyń múddeli elderimen ortaq taýar bólý jelisin qurý múmkindigin pysyqtaý týraly usynysy asa ózekti. Elderimizdiń geografiialyq ornalasýyn eskersek, EAEO Eýropa men Aziia arasyndaǵy «saýda habyna» ábden ainala alady» , — dep A. Mamin, QR-da qurylatyn Ulttyq taýar ótkizý júiesiniń modelin aýqymdandyrýdy jáne Eýraziialyq taýar ótkizý júiesin qalyptastyrýdy usyndy.
Premer-Ministr kúsh-jigerdi Eýraziialyq ziiatkerlik kólik júielerin qurýǵa shoǵyrlandyrý qajet ekenin atap ótti, bul qazirgi infraqurylymdy neǵurlym tiimdi paidalanýǵa jáne tasymaldaýshylar men taýar óndirýshilerdiń shyǵystaryn ońtailandyrýǵa múmkindik beredi.
Úkimet basshysy EAEO-da strategiialyq ótkizý pýnktterinde birlesken tirek synaq zerthanalaryn qurý týraly bastama kóterdi, bul ónimniń úshinshi elderdiń talaptaryna sáikestigin rastaýǵa arnalǵan shyǵystardy aitarlyqtai tómendetýge múmkindik beredi.
Otyrysqa qatysýshylar Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttarynyń jobasyn, transshekaralyq elektrondyq saýdany damytý, EAEO ishki naryǵyndaǵy shyǵaryp tastaý men shekteýlerdi joiý jónindegi jumys barysyn, ótken jylǵy EAEO biýdjetiniń atqarylýy týraly esepterdi, EAEO-nyń 2021 jylǵa arnalǵan biýdjetin qarady.
Eksportty damytýdyń birlesken sharalary jáne agroónerkásiptik keshendi damytýdyń 2020-2021 jyldarǵa arnalǵan birlesken boljamdary týraly ókimder qabyldandy.
