TMD úkimet basshylary keńesiniń otyrysyna qatysý úshin Minsk qalasyna jasaǵan jumys sapary aiasynda QR Premer-Ministri Asqar Mamin Belarýs Respýblikasynyń Premer-Ministri Roman Golovchenkomen kelissóz júrgizdi, dep habarlaidy "Ult aqparat" primeminister.kz-ke silteme jasap.
Taraptar saýda-ekonomikalyq, investitsiialyq, kólik-logistikalyq, agroónerkásip salalaryndaǵy, farmatsevtika men densaýlyq saqtaýdaǵy ekijaqty yntymaqtastyqty odan ári arttyrý perspektivasyn talqylady.
Táýelsiz Memleketter Dostastyǵy, Eýraziialyq ekonomikalyq odaq jáne basqa da integratsiialyq birlestikter aiasyndaǵy ózara is-qimyldyń ózekti máseleleri qaraldy.
2021 jyldyń I toqsanynyń qorytyndysy boiynsha ekijaqty taýar ainalymy $175,6 mln qurady, bul 2020 jyldyń sáikes kezeńimen salystyrǵanda 12%-ǵa joǵary.
Qazaqstanda 40% deńgeiinde jergiliktendirýmen iri ónerkásiptik jáne aýyl sharýashylyǵy tehnikasyn óndirý boiynsha Qazaqstan men Belarýstiń 8 birlesken kásiporny belsendi jumys isteidi.
