Búgin QR Premer-Ministriniń birinshi orynbasary Asqar Mamin bastaǵan jumys toby saparmen Ońtústik Qazaqstan oblysyna keldi, dep habarlaidy OQO ákiminiń baspasóz qyzmeti.
Delegatsiia quramynda QR Investitsiialar jáne damý vitse-ministri Roman Skliar, QR Ulttyq ekonomika vitse-ministri Aibatyr Jumaǵulov, «Qazaqstan temir Joly» UK» AQ prezidenti Qanat Alpysbaev, «QazAvtoJol» UK» AQ Basqarma tóraǵasy Ermek Qizatov, «Báiterek» UBH» AQ basqarma tóraǵasynyń orynbasary Ánýar Omarhodjaev bar.
Eń aldymen Asqar Mamin Shymkenttegi halyqaralyq áýejaidyń jumysyn aralap kórip, onda «Shymkent áýejaiy» AQ Basqarma tóraǵasynyń orynbasary Sáken Mamyrbekovtyń áýejaidyń jumysy týraly baiandamasyn tyńdady. Budan bólek, jumys toby Ońtústik Qazaqstan oblysynyń ákimi J.Túimebaevtyń qatysýymen ótken áýejaidy qaita qurý boiynsha jiynǵa qatysty.
1968 jyly ashylǵan «Shymkent» áýejaiy shekteýsiz áýe kemeleriniń barlyq tipterin qabyldaityn halyqaralyq áýejai bolyp tabylady. Áýejai táýlik boiy jumys isteitin kedendik, shekaralyq jáne sanitarlyq-karantindik baqylaýdy tolyq kólemde qamtamasyz etedi. Bul jerden Qazaqstan Respýblikasynyń barlyq oblystarynyń ortalyqtaryna, sonymen qatar TMD elderiniń, alys jáne jaqyn sheteldiń qalalaryna turaqty reister júzege asyrylady.
Sapar barysynda delegatsiia músheleri «Ońtústik» kóliktik-logistikalyq ortalyǵynyń jumysymen tanysty. Qazaqstannyń eýraziialyq kólik-logistikalyq habyna ainalýy boiynsha memlekettik «Nurly jol» baǵdarlamasy aiasynda qurylǵan «Ońtústik» kólik-logistikalyq ortalyqtyń aýmaǵy 92 gektardy quraidy.
Qazirgi tańda atalǵan aimaqta jekemenshik 8 investitsiialyq joba júzege asyrylýda. Onyń ishinde «Kazakhstan Logistics group» JShS men «Zerde» NPO JShS kompaniialary óz jobalarynyń birinshi kezeńin iske qosty. Búgingi tańda iske qosylǵan qoimalardyń jalpy aýmaǵy 18 326 sharshy metrdi quraidy. Al osy jyldyń sońyna deiin «Continental Logistics Shymkent» JShS-niń 20 736 sharshy metr qoimasy men «Zerde» JShS-niń 5 760 sharshy metr qoimasy bar investitsiialyq jobasynyń ekinshi kezeńi iske qosylmaq. Qalǵan investitsiialyq jobalardyń qurylys-montajdaý jumystarynyń 30 paiyzy aiaqtalyp otyr.
Budan soń, Asqar Mamin Ordabasy aýdanynda ornalasqan Indýstriialandyrý kartasyna engen «Agro V» kirpish zaýytyn aralap kórdi. Joba quny 527 mln teńgeni quraityn zaýyt jylyna 25 million kirpish ónimin shyǵarady. Bunda 60 azamat jańa jumys ornymen qamtamasyz etilgen. Zaýyt qysy-jazy jumys jasaidy. Mundaǵy tehnologiialyq qural-jabdyqtar arnaiy tapsyryspen Qytai Halyq Respýblikasynan alynǵan. Jabdyqtar kóp komponentti qospalardan joǵary sapaly ónim shyǵarýǵa jáne tolyǵymen avtomattandyrylǵannyń esebinen kirpishterdiń geometriialyq pishinderin saqtaýǵa múmkindik beredi. Sondai-aq, kirpishterdi kúidirýge arnalǵan peshtiń elimizde balamasy joq.
