QR Premer-Ministri Asqar Mamin Túrkistan oblysyna jumys sapary barysynda Arys qalasyndaǵy zardap shekken úilerdi, áleýmettik nysandar men injenerlik jelilerdi qalpyna keltirý jumystarynyń barysyn tekserdi, dep habarlaidy QR Úkimetiniń baspasóz qyzmeti.
Qazir Arys qalasynda 1544 jekemenshik turǵyn úide qurylys jumystary aiaqtalǵan, 7089 jeke turǵyn úide jáne 96 kópqabatty úide qalpyna keltirý jáne jóndeý jumystary júrgizilip jatyr. Turǵyndardyń 4683 úilerinde jumystar júrgizilýde.
Qurylys jumystary 126 jekemenshik úide jáne 1 kópqabatty úide júrgizilýde. 66 áleýmettik nysannyń 62-sinde qalpyna keltirý jumystary júrgizilýde, jańa qurylys 4 nysanda júrip jatyr.
Arys qalasyndaǵy qalpyna keltirý jumystaryna 207 kompaniia, 7073 jumysker, 265 arnaiy tehnika tartylǵan.
QR Úkimetiniń basshysy Arys qalasynyń turǵyndarymen kezdesý kezinde qalany qalpyna keltirý boiynsha jumystarǵa barlyq óńirler, ulttyq kompaniialar, elimizdiń iri biznes ókilderi belsene qatysyp jatqanyn atap ótti.
QR Premer-Ministri zardap shekken biznes nysandaryn, kólik jáne injenerlik infraqurylymdy qalpyna keltirý jumystarynyń qarqynyn tómendetpeýdi, sondai-aq densaýlyq saqtaý jáne bilim berý nysandaryn daiyndaý boiynsha keshendi sharalar qabyldaýdy tapsyrdy.
Túrkistan qalasyna jumys sapary barysynda Asqar Mamin salynyp jatqan tarihi-mádeni ortalyq aýmaǵynda «Uly dala Eli» kesheni, Q. A. Iassaýi mýzeiin salý boiynsha jumystardyń barysymen tanysty. Sonymen qatar Asqar Mamin Uly Jibek jolynyń qolónershileriniń Ulttyq ortalyǵy ǵimaratyn, kelý ortalyǵyn rekonstrýktsiialaý, Shyǵys monshasynyń, oblystyq ǵylymi-ámbebap kitaphananyń salyný barysyn kórdi.
QR Premer-Ministri ákimshilik, áleýmettik, mádeni-tarihi maqsatta salynyp jatqan nysandardy kórdi, jergilikti stadion, oqýshylar saraiy, ákimdik, Halyqqa qyzmet kórsetý ortalyǵy, media ortalyq, kongress-holl ǵimaraty, «Nur-Sultan» alańy, Olimpiadalyq rezervtegi sport mektebi, mýzyka mektebi, basseini bar oqýshylar saraiy, attraktsiondary bar qalalyq saiabaq, neke saraiy, Qazaq drama teatry ǵimaraty, mýzykalyq fontan men amfiteatr salynyp jatqan qurylys alańdarynda boldy. Asqar Mamin Túrkistan qalasynda Tuńǵysh Prezidenti parkiniń abattandyrylý, oblys ortalyǵynyń ortalyq bóliginiń rekonstrýktsiialaný jáne Arbattyń salyný barysyn kórdi, sondai-aq Túrkistandaǵy Eski arheologiialyq parkiniń jobasymen tanysty.
