قر پرەمەر-مينيسترٸ اسقار مامين تٷركٸستان وبلىسىنا جۇمىس ساپارى بارىسىندا ارىس قالاسىنداعى زارداپ شەككەن ٷيلەردٸ, ەلەۋمەتتٸك نىساندار مەن ينجەنەرلٸك جەلٸلەردٸ قالپىنا كەلتٸرۋ جۇمىستارىنىڭ بارىسىن تەكسەردٸ, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
قازٸر ارىس قالاسىندا 1544 جەكەمەنشٸك تۇرعىن ٷيدە قۇرىلىس جۇمىستارى اياقتالعان, 7089 جەكە تۇرعىن ٷيدە جەنە 96 كٶپقاباتتى ٷيدە قالپىنا كەلتٸرۋ جەنە جٶندەۋ جۇمىستارى جٷرگٸزٸلٸپ جاتىر. تۇرعىنداردىڭ 4683 ٷيلەرٸندە جۇمىستار جٷرگٸزٸلۋدە.
قۇرىلىس جۇمىستارى 126 جەكەمەنشٸك ٷيدە جەنە 1 كٶپقاباتتى ٷيدە جٷرگٸزٸلۋدە. 66 ەلەۋمەتتٸك نىساننىڭ 62-سٸندە قالپىنا كەلتٸرۋ جۇمىستارى جٷرگٸزٸلۋدە, جاڭا قۇرىلىس 4 نىساندا جٷرٸپ جاتىر.
ارىس قالاسىنداعى قالپىنا كەلتٸرۋ جۇمىستارىنا 207 كومپانييا, 7073 جۇمىسكەر, 265 ارنايى تەحنيكا تارتىلعان.
قر ٷكٸمەتٸنٸڭ باسشىسى ارىس قالاسىنىڭ تۇرعىندارىمەن كەزدەسۋ كەزٸندە قالانى قالپىنا كەلتٸرۋ بويىنشا جۇمىستارعا بارلىق ٶڭٸرلەر, ۇلتتىق كومپانييالار, ەلٸمٸزدٸڭ ٸرٸ بيزنەس ٶكٸلدەرٸ بەلسەنە قاتىسىپ جاتقانىن اتاپ ٶتتٸ.
قر پرەمەر-مينيسترٸ زارداپ شەككەن بيزنەس نىساندارىن, كٶلٸك جەنە ينجەنەرلٸك ينفراقۇرىلىمدى قالپىنا كەلتٸرۋ جۇمىستارىنىڭ قارقىنىن تٶمەندەتپەۋدٸ, سونداي-اق دەنساۋلىق ساقتاۋ جەنە بٸلٸم بەرۋ نىساندارىن دايىنداۋ بويىنشا كەشەندٸ شارالار قابىلداۋدى تاپسىردى.
تٷركٸستان قالاسىنا جۇمىس ساپارى بارىسىندا اسقار مامين سالىنىپ جاتقان تاريحي-مەدەني ورتالىق اۋماعىندا «ۇلى دالا ەلٸ» كەشەنٸ, ق. ا. ياسساۋي مۋزەيٸن سالۋ بويىنشا جۇمىستاردىڭ بارىسىمەن تانىستى. سونىمەن قاتار اسقار مامين ۇلى جٸبەك جولىنىڭ قولٶنەرشٸلەرٸنٸڭ ۇلتتىق ورتالىعى عيماراتىن, كەلۋ ورتالىعىن رەكونسترۋكتسييالاۋ, شىعىس مونشاسىنىڭ, وبلىستىق عىلىمي-ەمبەباپ كٸتاپحانانىڭ سالىنۋ بارىسىن كٶردٸ.
قر پرەمەر-مينيسترٸ ەكٸمشٸلٸك, ەلەۋمەتتٸك, مەدەني-تاريحي ماقساتتا سالىنىپ جاتقان نىسانداردى كٶردٸ, جەرگٸلٸكتٸ ستاديون, وقۋشىلار سارايى, ەكٸمدٸك, حالىققا قىزمەت كٶرسەتۋ ورتالىعى, مەديا ورتالىق, كونگرەسس-حولل عيماراتى, «نۇر-سۇلتان» الاڭى, وليمپيادالىق رەزەرۆتەگٸ سپورت مەكتەبٸ, مۋزىكا مەكتەبٸ, باسسەينٸ بار وقۋشىلار سارايى, اتتراكتسيوندارى بار قالالىق ساياباق, نەكە سارايى, قازاق دراما تەاترى عيماراتى, مۋزىكالىق فونتان مەن امفيتەاتر سالىنىپ جاتقان قۇرىلىس الاڭدارىندا بولدى. اسقار مامين تٷركٸستان قالاسىندا تۇڭعىش پرەزيدەنتٸ پاركٸنٸڭ اباتتاندىرىلۋ, وبلىس ورتالىعىنىڭ ورتالىق بٶلٸگٸنٸڭ رەكونسترۋكتسييالانۋ جەنە ارباتتىڭ سالىنۋ بارىسىن كٶردٸ, سونداي-اق تٷركٸستانداعى ەسكٸ ارحەولوگييالىق پاركٸنٸڭ جوباسىمەن تانىستى.
