Óńir ákimderi osy jyldyń sońyna deiin barlyq aýylda meditsina uiymdaryn internetpen qamtamasyz etýi tiis. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Óńir ákimderi bir ai merzimde Densaýlyq saqtaý obektileriniń infraqurylymyn damytýdyń – bastapqy densaýlyq saqtaý obektilerin salý men jaraqtandyrýdyń jol kartasyn ázirlep, jyldar jáne eldi mekender boiynsha naqty bólsin», - dedi Premer-Ministr.
Sonymen qatar Úkimet basshysy óńirlerdiń ákimdikterine Densaýlyq saqtaý, Tsifrlandyrý ministrikterimen birlesip, jyldyń sońyna deiin barlyq aýylda meditsina uiymdaryn internetpen qamtamasyz etip, meditsinalyq aqparattyq júielerge qosýdy tapsyrdy. Bul sharalar aýyldarda meditsinalyq qyzmet kórsetýdi onla in formatta júrgizý, telemeditsinany, mobildi qosymshalardy damytý úshin qajet ekendigine nazar aýdartty.
«Ákimdikter Densaýlyq saqtaý ministrligimen birlesip, óńirlerde jańa ýchaskeler ashý, jeke sektordy damytý arqyly alǵashqy meditsinalyq kómek uiymdarynyń dárigerleriniń júktemesin azaitýdy qamtamasyz etsin. Jas meditsina qyzmetkerlerin, ásirese aýylǵa jumysqa kelgen mamandardy materialdyq yntalandyrý boiynsha sharalar qabyldaý kerek», - dedi Asqar Mamin.
