Aviatsiialyq baza tolyǵymen jabdyqtalý kerek, sonda ǵana aviatehnikterdi daiarlaý múmkindigi artady. Bul týraly Aviatsiialyq tehnikter biliktiligin arttyrý sabaǵynda polkovnik Asqar Izbasov aitty, - dep habarlaidy «Ult aqparat».
Asqar Izbasov Áskeri institýt bastyǵynyń jaýyngerlik daiarlyq jónindegi orynbasary bolyp qyzmet atqarady. Ol óz qyzmetine baryn salyp, bilikti mamandar daiarlaýda talai jyldyq tájiribeni arqalap keledi.
«Meniń oiymsha, injenerlik-tehnikalyq quramnyń árbir mamany óz mindetin tek aýqymdy tehnikalyq oi-órisi, arnaiy tereń bilimi bolǵan jaǵdaida ǵana sátti oryndai alady. Bilim alýshylar ony dál osyndai oqý baǵdarlamalaryn meńgerý barysynda alady», – dedi Áskeri institýt bastyǵynyń jaýyngerlik daiarlyq jónindegi orynbasary polkovnik Asqar Izbasov.
Aita keteiik, Aqtóbe qalasyndaǵy Áýe qorǵanysy kúshteriniń áskeri institýtynda Qazaqstan Áýe qorǵanysy kúshteri áskeri bólimderiniń aviatsiialyq tehnikterin daiarlaý boiynsha arnaiy kýrs aiaqtalýda. 35 mamannan astam oqytylyp jatyr. Onyń ishinde Qaraǵandy qalasynyń aviatsiialyq bazasy aviatsiialyq jabdyq tobynyń tehnigi praporshik Nikolai Ivashenko da bar.
«Jiyndardy joǵary deńgeide uiymdastyrýdyń, oqý materialyn berýdegi júieli tásildiń, dáristerdiń aqparatqa toly bolýynyń jáne saýatty dialogtyń arqasynda biz ózimizdiń bilim qoryn tolyqtyryp, ótken materialdy qaitaladyq. Bul rette basqa bólimderden kelgen áriptestermen kásibi tájiribe almasý óte mańyzdy boldy», – dep atap ótti áskeri qyzmetshi Nikolai Ivashenko.
Osy oraida aita keteiik, 1991 jyly elimizde ofitserlik kadr mamandaryn daiyndaityn eki áskeri oqý orny ǵana qaldy. Biri – Keńes Odaǵynyń marshaly I.S.Konev atyndaǵy Almaty áskeri jalpykomandalyq ýchilishesi bolsa, ekinshisi F.E.Dzerjinskii atyndaǵy shekaralyq komandalyq ýchilishe edi. 1994 jyly Aqtóbe joǵary áskeri aviatsiia ýchilishesinde ushqysh-tehnikterdi daiyndaityn Áskeri áýe kúshteriniń fakýlteti ashyldy.
Al áskeri aviatsiiaǵa júkteletin mindetterdi oryndaýda injenerlik-aviatsiialyq qyzmettiń alar orny mańyzdy. Ol aviatsiialyq tehnikany tehnikalyq paidalanýdy jáne jóndeýdi, Áýe qorǵanysy kúshteri bólimderiniń is-qimylyn injenerlik-aviatsiialyq qamtamasyz etýdi júzege asyrady. Bul týraly Áskeri institýt bastyǵynyń jaýyngerlik daiarlyq jónindegi orynbasary bylai deidi:
«Bilim salasynda júrgenimizge talai jyldyń júzi boldy. Sonda kózimiz jetken bir nárse anyq: Aviatehnikterdi daiarlaý birneshe mamandyq boiynsha júrgiziledi. Atap aitqanda, ushaqtar (tikushaqtar) jáne aviatsiialyq qozǵaltqyshtar, aviatsiialyq qarý-jaraq, aviatsiialyq jáne radioelektrondyq jabdyq. Oqý baǵdarlamasy teoriialyq jáne praktikalyq bólimderden turady. Osy jolǵy kýrsta biz osynyń bárin oqytyp, úiretýge tyrystyq. Ary qarai tájiribede qoldaný mamandardyń óz qolynda.
Kezinde elimizdiń qorǵanys kúshin nyǵaitý úshin áskeri oqý oryndary da, mamandar da jetkiliksiz boldy. Osy kezde zenittik zymyrandy, radiotehnikalyq áskerler, radiotehnikalyq qamtamasyz etý bólimderi, bailanys áskerleri men avtomatty basqarý júiesiniń mamandaryn daiyndaityn tól áskeri oqý ornynyń qajettigi sezildi. Biz osyndai iri mamandardy daiarlaýǵa kúsh salyp jatyrmyz», - dedi Áskeri institýt bastyǵynyń jaýyngerlik daiarlyq jónindegi orynbasary polkovnik Asqar Izbasov.
Kýrstyq daiarlyq aiaqtalǵannan keiin, tyńdaýshylardyń daiarlyǵy deńgeii baǵalanady. Bitirýshiler árbir oqý baǵdarlamasyn meńgerý dárejesi kórsetiletin sertifikattar alady.
Esterińizge sala keteiik, Aqtóbe qalasyndaǵy Áýe qorǵanysy kúshteriniń áskeri institýtynda Qazaqstan Áýe qorǵanysy kúshteri áskeri bólimderiniń aviatsiialyq tehnikterin daiarlaý boiynsha arnaiy kýrs aiaqtalýda. 35 mamannan astam oqytylyp jatyr. Al Áskeri institýt bastyǵynyń jaýyngerlik daiarlyq jónindegi orynbasary polkovnik Asqar Izbasov Aviatsiialyq baza tolyǵymen jabdyqtalǵan jaǵdaida ǵana aviatehnikterdi daiarlaý múmkindigi artatynyn alǵa tartty.
