Ashyq jobasy arqyly koronavirýs juqtyrǵan 3,5 myń adam anyqtaldy. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Ashyq jobasyn keńinen taratý búkil elimizde júrip jatyr. Jobaǵa qatysýshylardyń sany 8 myńnan asyp tústi jáne 2 aptanyń ishinde eki myńǵa artty. Eki aptanyń ishinde qoldanýshylardyń sany 1,4 mln adamnan 2 mln adamǵa deiin jetti», - dedi ministr.
Onyń atap ótýinshe, atalǵan joba engizilgen sátten beri PTR-dyń oń nátijesi bar 3 556 naýqas jáne bailanysta bolǵan 3 012 adam anyqtaldy.
«Bul statistika ókinishke orai keibir azamattardyń úide oqshaýlaný rejimin saqtamaityndyǵyn, turǵyndar kóp jinalatyn nysandarǵa barýǵa tyrysatyndyǵyn, el ishinde júrip-turatyndyǵyn, sol arqyly tóńiregindegilerge juqtyrý qaýpin tóndiretindigin kórsetedi», - dedi Aleksei Tsoi.
