Ashyq qosymshasyna júktelgen azamattardyń derekteri «Aqparattyq tehnologiialar ortalyǵy» aktsionerlik qoǵamynyń serverlerinde saqtalady, dep habarlaidy QazAqparat.
Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov Ashyq qosymshasyna júktelgen JSN derekteri qaida saqtalatynyn túsindirdi
«Búginde Ashyq qosymshasy búkil derekter qorymen birge tolyqtai «Ulttyq aqparattyq tehnologiialar ortalyǵy» AQ ulttyq operatorynyń kontýrynda tur. Qosymshanyń ákimshisi de osy ulttyq operatordyń qyzmetkerleri. eGov.kz siiaqty memlekettik derekter bazasyn da osy ortalyq basqaryp otyr. Ulttyq operatordyń kontýrynda qaýipsizdiktiń barlyq talaptary saqtalǵan. Aqparattyq qaýipsizdik máselesi de muqiiat eskerilgen», - dedi ol ortalyq kommýnikatsiialar qyzmetinde.
Brifing barysynda BAQ ókilderi Qarjy ministrliginiń JSN derekteriniń bazasyna qoljetimdilikti shektegenin mysalǵa keltirip, Ashyq qosymshasynyń jetekshileri bul máseleni nege eskermeginin suraǵan bolatyn.
«Sizdiń Qarjy ministrliginiń sharasyn mysal retinde keltirip otyrǵanyńyzdy uqtym. Bul jerde kez kelgen adam qosymshaǵa kirip, jumys istegen kezde ulttyq operatordyń kontýryndaǵy serverlerge suranym jiberedi degen sóz. Iaǵni, aqparat ol serverden basqa jaqqa shyǵarylmaidy», - dedi vitse-ministr.
Áset Turysov qosymshany súiemeldeýge biýdjet qarajaty jumsalatynyn aitty.
«Qosymshany súiemeldeýge, serverlerdi basqarýǵa, tipti serverlerdiń ózine qarjylandyrý qajet. Árine Tsifrlyq damý, innovatsiialar jáne aeroǵarysh ónerkásibi ministrligi memlekettik baǵdarlama ákimshisi retinde qarjylandyratyn shyǵar. Iaǵni biýdjetten belgili bir qarajat kerek bolady. Onyń somasy sonshalyq úlken bolady dep oilamaimyn. Qaitalap aitaiyn qarjy serverlerdiń jumysyna jáne ony basqarýǵa kerek bolady», - dedi vedomstvo ókili.
