«Ashyq» qosymshasy 13 myńnan astam biznes sýbektisiniń qyzmetin qaita qalpyna keltirýge kómektesedi. Bul týraly búgin Densaýlyq saqtaý ministri Aleksei Tsoi aityp berdi, dep habarlaidy QazAqparat.
«Koronavirýs pandemiiasy bastalǵannan beri búkil álemdegi biznestiń jumysyna shekteý qoiyldy, kásipkerlerge tabys kirmei qaldy. Bul bizdiń elge de qatysty. 13 myńnan astam biznes sýbektisi áli kúnge deiin qyzmetin qaita bastai almai otyr. «Atameken» UKP-nyń qatysýymen biznes qaýymdastyq Ońtústik-Shyǵys Aziia elderiniń (Gonkong, Singapýr, Malaiziia) tájiribesin eskere otyryp, «ASHYQ» jobasyn iske asyrýdy usyndy», - dedi ministr QR Prezidenti janyndaǵy Ortalyq kommýnikatsiialar qyzmetinde ótken brifingide.
«Ashyq» mobildi qosymshasyn «Atameken» UKP, QR Tsifrlyq damý, innovatsiialar jáne aeroǵarysh ónerkásibi ministrligi jáne QR Densaýlyq saqtaý ministrliginiń tapsyrysy boiynsha otandyq IT-kompaniia ázirlegen.
«Búginde pilottyq rejimde «ASHYQ» qosymshasy Almaty, Nur-Sultan jáne Qaraǵandy qalalarynda qyzmet kórsetýge ruqsat etilgen nysandarda (fitnes-ortalyq, spa-ortalyq, bassein, monsha, kinoteatrlar) iske qosyldy. Qazir 40 nysan «Ashyq» pilotyna erikti túrde qatysýda», - deidi A.Tsoi.
«Ashyq» mobildi qosymshasy QR-kod arqyly jáne Densaýlyq saqtaý ministrliginiń ortaq bazasymen integratsiialaý arqyly kelýshiniń mártebesin, onyń virýs tasymaldaýshysy emes ekenin anyqtaýǵa múmkindik beredi. Sondai-aq nysandardyń kelýshilerdi qabyldaýǵa ázirligin jáne olardyń sanitarlyq talaptarǵa sáikestigin kórsetedi.
«QR-kod tek biznes sýbektilerine beriledi. Kelýshi «Ashyq» mobildi qosymshasyn óz telefonyna júktep, telefon nómiri boiynsha avtorizatsiialaýdan ótýi (JSN engizýi) jáne mekemeniń QR-kodyn skanerleýi qajet.
Tústerge bólý áleýmettik jelilerde talqylanǵandai, adamdardyń ómirin «baqylaýǵa» jáne «qadaǵalaýǵa» arnalmaǵan. Bul naýqasty anyqtaidy nemese adamnyń karantindegi patsientpen jaqyn bailanysy bary-joǵyn kórsetedi.
«Ashyq» mobildi qosymshasyn árkim óz erkimen qoldanady jáne ol qaýipsiz orta qalyptastyrýǵa, kelýshilerdi virýs juqtyrý, indettiń taralý qaýpinen qorǵaýǵa baǵyttalǵan, sondai-aq bizneske karantin kezinde qyzmetin jalǵastyrýǵa múmkindik beredi», - dep túsindirdi Densaýlyq saqtaý ministri.
