El kóleminde 2,5 myńnan astam adamnan Ashyq qosymshasy arqyly «qyzyl» mártebe anyqtaldy. Ol týraly QR Tsifrlyq damý, innovatsiialar jáne aeroǵarysh ónerkásibi ministrligi Tsifrlyq sheshimder departamentiniń direktory Bolatbek Moldabekov málim etti, dep habarlaidy QazAqparat.
«El aýmaǵynda 2,5 myńnan astam adamnan «qyzyl» mártebe anyqtaldy. Bul adamdardyń PTR test anyqtamasy da oń nátijeli jáne olar sony bile tura ushaqqa otyrǵysy nemese dámhanaǵa kirgisi kelgen. Árine, kórsetkish aitarlyqtai. Tek Nur-Sultan qalasynyń ózinde «qyzyl» mártebemen 50-den astam adamdy ushaqqa otyrǵyzýdan bas tartyldy», - dedi Moldabekov.
Sondai-aq, departament basshysy nysandardyń Ashyq qosymshasynsyz da jumys istei alatyny týraly aitty.
«Keshe Ashyq júiesi jumys istemegende barlyq nysandarǵa eskertildi jáne eshqandai kedergi bolǵan joq. Áýejaida jolaýshylardy kedergisiz qabyldady. Júie jumys istemegen jaǵdaidyń ózinde, onyń adamdarǵa kedergisi timeidi. Áýejai jáne basqa da nysandar óz kestesine sai jumys istei beredi», - deidi ol.
