Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnova «Ashyq»-qa jumsalǵan aqshanyń igerilýi týraly pikir bildirdi, dep qaramaimyz, dep habarlaidy QazAqparat.
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «Tsifrlyq Qazaqstan» baǵdarlamasyn iske asyrýdyń aralyq nátijesine arnalǵan jiynda «Ashyq» qosymshasyn súiemeldeýge bólingen aqsha týraly pikir bildirdi.
«Pandemiia rejimi kezinde Memleket basshysynyń ózi bizge standarttan tys áreket etý kerektigin aitty. Bizde birneshe joba boldy. «Ashyq» – sonyń bireýi. Men jaýapkershilikti óz moniyma aldym. «Jasaý kerek bolsa, jasaiyq. Bul bizneske kómek bolady» dedim. Onyń tiimdiligin asyra baǵalaý múmkin emes. 100 mln teńgeniń 20-30 milliony teńgesi ǵana súiemeldeýge ketti. Nátijesinde biz binestiń jumys isteýine múmindik jasadyq, sol tetik arqyly jaǵdaidy qutqaryp qaldyq.
Maǵan ony qarjyny tiimsiz jumsalǵan joba retinde baǵalap, eskertý aitýshylar bar. Iá, biýdjettik protsedýralar bar ekeni túsinikti. Ónerkásipte qoldanysqa engizilgenge deiin júieni súiemeldeýge aqsha bermeýim kerek ekenin aitady. Al ónerkásipte qoldanysqa engizý úshin aqparattyq qaýipsizdik attestaty kerek. Ol attestatty alý úshin biýdjet qarajaty kerek, ony alý úshin biýdjettik tapsyrys jasaý qajet. Osylai kete beredi. Sońy uzaqqa sozylady», - dedi Baǵdat Mýsin.
Respýblikalyq biýdjettiń atqarylýyn baqylaý jónindegi esep komitetiniń basshysy Natalia Godýnova «Ashyq» qosymshasynyń tiimdi bolǵanyn aityp, bul másele boiynsha ministrge eshqandai min taǵylmaitynyn jetkizdi.
«Tótenshe jaǵdai kezeńi men pandemiiaǵa, karantinge qatysty máselelerdiń bári daǵdarysqa qarsy sharalar aiasynda tekserildi. Densaýlyq saqtaý ministrligin, Ishki ister ministrligin, Ulttyq ulandy, Qorǵanys ministrligin tekserdik. Bul kezeńde atqarylǵan jumystyń bári erekshe jaǵdaida isteldi. Sondyqtan tiimsiz jumsalǵan qarjy retinde qarastyrmaimyz. Eger memlekettik aýdit qorytyndysynyń jobasynda ondai másele bolsa, túzetemiz. Óitkeni «Ashyq»-ty osynda otyrǵandardyń árqaisysy birneshe ret qoldanǵanyna senimdimin. Biz ol arqyly biznestiń jumys isteýine, azamattardyń talai nysanǵa shekteýsiz kirýine múmkindik berdik», - dedi komitet basshysy.
