«Ashyqta» tek «jasyl» mártebesin paidalaný kezinde barlyq is-sharalar shekteýlersiz ótkiziledi. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat málim etti, dep habarlaidy QazAqparat.
«Memleket basshysynyń 21 qańtardaǵy tapsyrmalaryn iske asyrý maqsatynda vedomstvoaralyq komissiiada biznes sýbektileri úshin shekteýlerdi tómendetý tásilderi qaraldy jáne maquldandy. Sonymen biznes obektilerinde «Ashyq» jobasyn odan ári engizý jalǵastyrylady», - dep atap ótti ol.
Ministr «jasyl» jáne «kók» mártebesi bar kelýshilerdi kirgizetin barlyq aimaqta, barlyq obektilerde jumys ýaqyty boiynsha shekteýler alyp tastalatyndyǵyn aitty.
«Epidemiologiialyq qaýip aimaǵyna qaramastan, Ashyqta tek «jasyl» mártebesin paidalaný kezinde saltanatty, eske alý, sport is-sharalary, kórmeler, forýmdar shekteýlersiz ótkiziledi. Sport keshenderiniń, saýyqtyrý jáne dini obektilerdiń, oiyn-saýyq obektileriniń, saýda-oiyn saýyq ortalyqtarynyń, saýda jelileriniń qyzmetine shekteý qoiylmaidy», - dedi Ajar Ǵiniiat.
