Foto: Instagram.com
Qazaqstandyq ánshi Maqpal Isabekova áleýmettik jelide jariialaǵan jańa beinejazbalarymen biraz adamnyń nazaryn aýdardy, dep habarlaidy Ult.kz Aikyn.kz saityna silteme jasap.
41 jastaǵy ártis sahnaǵa arnalǵan joǵary tiligi bar qara kóilekpen kórinip, jelide qyzý talqylanǵan.
Maqpal Isabekova tanymal qazaqstandyq dizainer tikken ásem, biraq ashyq kóilekpen túsken birneshe videosyn Instagram paraqshasynda jariialaǵan. Alaida bul obraz kei jeli qoldanýshylarynyń kóńilinen shyqpaǵan:
«Siz meni renjittińiz, bári jaqsy, biraq ashyq kiimniń qajeti joq edi», «Siz – eki balanyń anasy, mundai kiim jaraspaidy», «Endi bári Djei Lo-ǵa elikteidi» — dep jazǵan synshylar.
Soǵan qaramastan jankúierlerdiń basym bóligi ánshiniń obrazyn joǵary baǵalady:
«Bizdiń sulý!», «Kúnnen kúnge jasaryp barasyz», «Keremet formadasyz, Makosia!» — dep qoldaý bildirgen pikirler de kóp boldy.
Kóp uzamai Isabekova dál osy kóilekpen túsken sýretin jariialap, syn aitqandarǵa ironiiamen jaýap berdi:
«Bul kóilek Pandoranyń jáshigin ashqandai boldy. Meniń súiikti “uiatmenderim”, sizderdi qatty saǵyndym! Dekrette júrgende sizderdiń pikirlerińiz jetispep edi. Alysqa ketpeńizder, men sizderdi áli talai “qýantamyn”», — dep jazdy ánshi.
