Búgin Almatyda Abaidyń 175 jyldyq mereitoiyna orai aqynnyń ómiri jaily ártúrli jyldary túsirilgen filmder keshi ótedi. Bul týraly «Ulttyq kinony qoldaý memlekettik ortalyǵy» KEAQ-nyń baspasóz qyzmetinen málim etti, dep habarlaidy "Ult aqparat".
QR Mádeniet jáne sport ministrligi, Ulttyq kinony qoldaý memlekettik ortalyǵy jáne Sháken Aimanov atyndaǵy «Qazaqfilm» kinostýdiiasynyń qoldaýymen Abaidyń qurmetine ártúrli jyldary túsirilgen eki ómirbaiandyq kinokartina usynylady. Onyń birinshisi Muhtar Áýezovtyń «Abai joly» shyǵarmasy boiynsha 1945 jyly rejisserler Grigorii Roshal jáne Efim Aron «Abai óleńderi» týyndysy, al ekinshisi rejisser Ardaq Ámirqulovtyń uly aqynnyń 150-jyldyǵyna orai 1995 jyly túsirgen «Abai» kórkem filmi.
Almatyda ashylǵan avtomobildik kinoteatr buǵan deiin qazaqstandyq kinematografqa birneshe seans arnaǵan bolatyn.
«Kinoteatrdyń jańa, al anyǵyn aitqanda kópten umyt bolǵan ashyq aspan astyndaǵy eski pishimi óz jumysyn «Atakent» kórme ortalyǵynyń aýmaǵynda bastady jáne 200 avtokólikke eseptelgen. Oidy júzege asyrýshylar is júzinde bailanyssyz qatysýdy qamtamasyz etti. Biletti tek saitta ǵana satyp alýǵa bolady, búkil kinoseans kezinde kórermender bir-birinen edáýir qashyqtyqta turaqtaǵan avtokólikterdiń ishinde otyrady. Bul rette kelýshiler popkorn men sýsyndarǵa onlain-kinobarda tapsyrys bere alady. Dámder zaýyttyq, aýa kirmeitin qaptamada tikelei avtokólikke jetkiziledi. Kórermenderdi orasan zor kinoteatrlyq ekran jáne ár avtokólikke radiotolqyn boiynsha beriletin sapaly dybys qarsy alady«, - delingen ortalyq aqparatynda.
Filmderdiń kórsetilimi 20:30-da jáne 23:00-de ótedi. Tegin kórsetilimderge biletterdi «Tiketon» avtokinoteatry saitynda brondaýǵa bolady.
