بٷگٸن الماتىدا ابايدىڭ 175 جىلدىق مەرەيتويىنا وراي اقىننىڭ ٶمٸرٸ جايلى ەرتٷرلٸ جىلدارى تٷسٸرٸلگەن فيلمدەر كەشٸ ٶتەدٸ. بۇل تۋرالى «ۇلتتىق كينونى قولداۋ مەملەكەتتٸك ورتالىعى» كەاق-نىڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
قر مەدەنيەت جەنە سپورت مينيسترلٸگٸ, ۇلتتىق كينونى قولداۋ مەملەكەتتٸك ورتالىعى جەنە شەكەن ايمانوۆ اتىنداعى «قازاقفيلم» كينوستۋديياسىنىڭ قولداۋىمەن ابايدىڭ قۇرمەتٸنە ەرتٷرلٸ جىلدارى تٷسٸرٸلگەن ەكٸ ٶمٸرباياندىق كينوكارتينا ۇسىنىلادى. ونىڭ بٸرٸنشٸسٸ مۇحتار ەۋەزوۆتىڭ «اباي جولى» شىعارماسى بويىنشا 1945 جىلى رەجيسسەرلەر گريگوريي روشال جەنە ەفيم ارون «اباي ٶلەڭدەرٸ» تۋىندىسى, ال ەكٸنشٸسٸ رەجيسسەر ارداق ەمٸرقۇلوۆتىڭ ۇلى اقىننىڭ 150-جىلدىعىنا وراي 1995 جىلى تٷسٸرگەن «اباي» كٶركەم فيلمٸ.
الماتىدا اشىلعان اۆتوموبيلدٸك كينوتەاتر بۇعان دەيٸن قازاقستاندىق كينەماتوگرافقا بٸرنەشە سەانس ارناعان بولاتىن.
«كينوتەاتردىڭ جاڭا, ال انىعىن ايتقاندا كٶپتەن ۇمىت بولعان اشىق اسپان استىنداعى ەسكٸ پٸشٸمٸ ٶز جۇمىسىن «اتاكەنت» كٶرمە ورتالىعىنىڭ اۋماعىندا باستادى جەنە 200 اۆتوكٶلٸككە ەسەپتەلگەن. ويدى جٷزەگە اسىرۋشىلار ٸس جٷزٸندە بايلانىسسىز قاتىسۋدى قامتاماسىز ەتتٸ. بيلەتتٸ تەك سايتتا عانا ساتىپ الۋعا بولادى, بٷكٸل كينوسەانس كەزٸندە كٶرەرمەندەر بٸر-بٸرٸنەن ەدەۋٸر قاشىقتىقتا تۇراقتاعان اۆتوكٶلٸكتەردٸڭ ٸشٸندە وتىرادى. بۇل رەتتە كەلۋشٸلەر پوپكورن مەن سۋسىندارعا ونلاين-كينوباردا تاپسىرىس بەرە الادى. دەمدەر زاۋىتتىق, اۋا كٸرمەيتٸن قاپتامادا تٸكەلەي اۆتوكٶلٸككە جەتكٸزٸلەدٸ. كٶرەرمەندەردٸ وراسان زور كينوتەاترلىق ەكران جەنە ەر اۆتوكٶلٸككە راديوتولقىن بويىنشا بەرٸلەتٸن ساپالى دىبىس قارسى الادى«, - دەلٸنگەن ورتالىق اقپاراتىندا.
فيلمدەردٸڭ كٶرسەتٸلٸمٸ 20:30-دا جەنە 23:00-دە ٶتەدٸ. تەگٸن كٶرسەتٸلٸمدەرگە بيلەتتەردٸ «تيكەتون» اۆتوكينوتەاترى سايتىندا برونداۋعا بولادى.
