QR Úkimeti aýyl sharýashylyǵy taýarlaryn óndirýshiler aldynda óz mindettemelerin oryndaýda. Osy ýaqytqa deiin jyldan jylǵa aýysyp mal sharýashylyǵy jáne investitsiialyq sýbsidiialar boiynsha jinalyp qalǵan qosymsha qajetti qarjy tolyq kólemde tólenetin boldy.
Aýyl sharýashylyǵy ministrliginiń málimetine qaraǵanda, búginge deiin QR Úkimetiniń sheshimi boiynsha investitsiialyq sýbsidiiaǵa qajet 28,5 mlrd teńge somasyndaǵy bereshek jabylǵan bolatyn.
Úkimet basshysy jaqyn arada mal sharýashylyǵyn sýbsidiialaýǵa qajet 36,8 mlrd teńge, sondai-aq investitsiialyq sýbsidiialar boiynsha 11,7 mlrd. teńge somasyndaǵy qaryz qaldyǵyn jabý jóninde tapsyrma berdi - delingen habarlamada.
Aýyl sharýashylyǵyna kórsetilip jatqan memlekettik qoldaýdyń arqasynda salanyń investitsiialyq tiimdiligi artyp, negizgi kapitalǵa investitsiialar tartý boiynsha nysanaly indikatorlardyń oryndalýyn qamtamasyz etýge múmkindik berýde. Qazirgi ýaqytta jalpy somasy 4,4 trln teńgeni quraityn 113 investitsiialyq joba ázirlenip, júzege asyrý protsesinde tur.
