Aýyl sharýashylyǵy ministri Saparhan Omarov nan baǵasy qanshaǵa qymbattaitynyna qatysty boljamyn aitty, dep habarlaidy "Ult aqparat".
«Nannyń qymbattaýy jaily... Meniń oiymsha, nan baǵasy ósedi. Biraq, bul shamaly deńgeide ǵana ósýi kerek. Nan baǵasynyń kúrt kóterilýine jol bermeý úshin biz qazir turaqtandyrý qorynan astyq satyp alyp jatyrmyz. Sonymen qatar, ár oblys ákimdigi astyq pen un satyp alady. Jyl saiyn ishki naryqtaǵy baǵany turaqtandyrý úshin Azyq-túlik korporatsiiasy 150-den 250 myń tonnaǵa deiin astyq satady», - dedi Saparhan Omarov Úkimettiń baspasóz ortalyǵynda.
Ol óz sózin naqty sandarmen keltirdi.
«Baǵa aimaqtarǵa bailanysty. Qazir nan baǵasy 75-85 teńge shamasynda. Meniń boljamym boiynsha, nan baǵasy 80-82 teńgege baryp qalýy kerek», - dedi ministr.
Eske sala ketsek, búgingi Úkimet otyrysynda Aýyl sharýashylyǵy ministri Saparhan Omarov Qazaqstanda 19,1 mln tonna astyq bastyrylǵanyn, ortasha ónimdilik gektaryna 12,6 tsentnerdi quraǵanyn málim etken bolatyn. Al Úkimet basshysy Asqar Mamin jinalǵan egindi saqtap qalý úshin barlyq kúsh-jigerdi jumsaýdy júktedi.
