اۋىل شارۋاشىلىعى مينيسترٸ ساپارحان وماروۆ نان باعاسى قانشاعا قىمباتتايتىنىنا قاتىستى بولجامىن ايتتى, دەپ حابارلايدى "ۇلت اقپارات".
«ناننىڭ قىمباتتاۋى جايلى... مەنٸڭ ويىمشا, نان باعاسى ٶسەدٸ. بٸراق, بۇل شامالى دەڭگەيدە عانا ٶسۋٸ كەرەك. نان باعاسىنىڭ كٷرت كٶتەرٸلۋٸنە جول بەرمەۋ ٷشٸن بٸز قازٸر تۇراقتاندىرۋ قورىنان استىق ساتىپ الىپ جاتىرمىز. سونىمەن قاتار, ەر وبلىس ەكٸمدٸگٸ استىق پەن ۇن ساتىپ الادى. جىل سايىن ٸشكٸ نارىقتاعى باعانى تۇراقتاندىرۋ ٷشٸن ازىق-تٷلٸك كورپوراتسيياسى 150-دەن 250 مىڭ تونناعا دەيٸن استىق ساتادى», - دەدٸ ساپارحان وماروۆ ٷكٸمەتتٸڭ باسپاسٶز ورتالىعىندا.
ول ٶز سٶزٸن ناقتى ساندارمەن كەلتٸردٸ.
«باعا ايماقتارعا بايلانىستى. قازٸر نان باعاسى 75-85 تەڭگە شاماسىندا. مەنٸڭ بولجامىم بويىنشا, نان باعاسى 80-82 تەڭگەگە بارىپ قالۋى كەرەك», - دەدٸ مينيستر.
ەسكە سالا كەتسەك, بٷگٸنگٸ ٷكٸمەت وتىرىسىندا اۋىل شارۋاشىلىعى مينيسترٸ ساپارحان وماروۆ قازاقستاندا 19,1 ملن توننا استىق باستىرىلعانىن, ورتاشا ٶنٸمدٸلٸك گەكتارىنا 12,6 تسەنتنەردٸ قۇراعانىن مەلٸم ەتكەن بولاتىن. ال ٷكٸمەت باسشىسى اسقار مامين جينالعان ەگٸندٸ ساقتاپ قالۋ ٷشٸن بارلىق كٷش-جٸگەردٸ جۇمساۋدى جٷكتەدٸ.
