2017 jyldyń 9-13 qyrkúiek aralyǵynda Astanada Qazaqstan Respýblikasy Mádeniet jáne sport ministrligi jáne Qazaqstan teatrlar assotsiiatsiiasy halyqaralyq EKSPO-2017 kórmesiniń mádeni baǵdarlamasy aiasynda halqymyzdyń birtýar tulǵasy, Qazaqstannyń eńbek sińirgen óner qairatkeri, Memlekettik syilyqtyń iegeri, kórnekti teatr synshysy Áshirbek Syǵaidyń 70 jyldyǵyna arnalǵan Qazaqstan drama teatrlarynyń XXV respýblikalyq festivalin ótkizedi.
Festivaldiń negizgi maqsaty – bar ǵumyryn teatr ónerine arnaǵan sarabdal synshy, biregei teatr qairatkeriniń shyǵarmashylyǵyn kópshilikke dáripteý, sońynan qaldyrǵan muralaryn jańǵyrtý, esimin el esinde máńgi qaldyrý bolyp tabylady.
Sondai-aq Qazaqstandaǵy teatr óneriniń búgingi damý baǵyttary men kórkemdik kelbetin zerdelep, ózara shyǵarmashylyq qarym-qatynasty odan ári nyǵaitý, teatr ónerindegi sabaqtastyqty saqtap, jańashyldyq úrdisterdi damytý, daryndy akterler men rejisserlerge qoldaý kórsetý – maqsat-muratymyzǵa ainalyp otyr.
Festivalge sońǵy 2-3 teatrlyq maýsymda tusaýkeseri ótken jáne bedeldi teatr synshylarynyń joǵary baǵasyna ie bolǵan, buryn festivalderge qatyspaǵan úzdik qoiylymmen qatysýǵa elimizdiń drama, mýzykalyq drama, mýzykalyq-komediia, satira, balalar men jasóspirimder teatrlary qatysady.
Festivaldiń resmi ashylýy 9 qyrkúiek kúni saǵat:17.00 «Jastar» teatry sahnasynda ótedi.
Festivalge Respýblikalyq – Ǵ.Músirepov atyndaǵy qazaq Memlekettik akademiialyq balalar men jasóspirimder teatry, Atyraý oblystyq Mahambet atyndaǵy qazaq drama teatry, Respýblikalyq akademiialyq nemis drama teatry, Q.Qýanyshbaev atyndaǵy Memlekettik akademiialyq qazaq mýzykalyq drama teatry, Aqmola oblystyq orys drama teatry, Astana Jastar teatry, Shyǵys Qazaqstan oblysy «Dariǵa-ai» jastar teatry, «Jas sahna» teatrlary qatysady.
Bes kún boiy Astana qalasynyń qonaqtary men turǵyndary festival qoiylymdaryn Q.Qýanyshbaev atyndaǵy Memlekettik akademiialyq qazaq mýzykalyq drama teatry, «Qazaqstan» Ortalyq Kontsert Zaly jáne Jastar teatry sahnalarynan tegin tamashalai alady.
Festivaldiń resmi jabylý saltanaty 13 qyrkúiek kúni saǵat:18.00 «Astana Balet» teatry sahnasynda ótedi.
