QR Parlamenti Senatynyń Tóraǵasy Máýlen Áshimbaev «Táýelsizdik urpaqtary» atty respýblikalyq jastar forýmynda erikti jastardyń pandemiiamen kúreske qosqan úlesi zor bolǵanyn atady, dep habarlaidy QazAqparat.
«Ózderińizge belgili, 2019 jyl «Jastar jyly» dep jariialanǵan bolatyn. Sonyń aiasynda óskeleń urpaqty jan-jaqty qoldaý sharalary belsendi túrde júzege asyryldy. Voloterler jyly da jastardyń zor áleýetin ashýǵa yqpalyn tigizdi. Pandemiiaǵa qarsy kúreske 1 millionǵa jýyq erikti jumyldy. Solardyń basym bóligi jastar bolǵany belgili», - dedi Senat spikeri.
Onyń paiymdaýynsha, Qazaqstanda jastarǵa eldik máselelerge aralasyp, mańyzdy sheshimder qabyldaýǵa tikelei atsalysatyn mol múmkindikter berilip otyr.
«Memleket basshysynyń bastamasymen Májilis pen máslihat sailaýy kezinde partiialyq tizimde áielder men jastarǵa partiialyq tizimde áielder men jastarǵa mindetti 30 paiyzdyq kvota belgilendi. Osy norma boiynsha sońǵy sailaýda jastardyń zań shyǵarýshy jáne ókildik organdarǵa kóptep kelýine jol ashyldy.
Memleket tarapynan jastar úshin ádiletti áleýmettik lift qalystaptastyrý qaǵidasyna da basa da mán berilýde. Osynyń negizinde Prezidenttik jastar kadrlyq rezervi jasaqtalyp, bilikti jastar irikteldi. Búginde rezervtegi eki júzge jýyq jas azamat jaýapty qyzmetterge taǵaiyndaldy», - dedi Máýlen Áshimbaev.
