Foto ©REUTERS
Senat spikeri Áshimbaev Ýkrainanyń Býcha qalasyndaǵy oqiǵaǵa qatysty pikir bildirdi, - dep habarlaidy Tengrinews.kz tilshisi.
"Buqaralyq aqparat quraldarynan, áleýmettik jelilerden Býcha qalasy men basqa eldi mekenderde bolǵan jaǵdaidy bárimiz kórip otyrmyz. Bul úlken tragediia. Bolǵan jaǵdaidy Ýkraina jaǵy genotsid dep jatqanyn estip jatyrmyz. Al Resei tarapy muny jalǵan dep otyr. Sondyqtan BUU men halyqaralyq uiymdardyń aiasynda komissiia qurylady dep oilaimyn. Osy komissiia jan-jaqtan barlyq aqparatty obektivti túrde jinap, halyqpen kezdesip, sol jaqqa baryp, aqparat taratsa durys bolar edi", - dedi Máýlen Áshimbaev Senat otyrysynda.
Áshimbaev Býchada bolǵan oqiǵa - úlken tragediia ekenin atap ótti.
"Beibit turǵyndar qaza tapty. Sondyqtan, onyń qalai bolǵany, nege bulai bolǵany týraly suraqtar aiasynda halyqaralyq uiymdar ainalysý qajet. Meniń oiymsha, bul jerde emotsiiaǵa jol bermei BUU aiasynda tergeý júrgizý oryndy bolady.
Mundai máselelerge qatysty halyqaralyq konventsiialar da, halyqaralyq sharttar da bar. Bul jerde BUU qamqorlyǵymen tiisti jumysty durys uiymdastyratyny sózsiz. Qazaqstannyń Syrtqy ister ministrligindegi resmi ustanymyn suratqan jáne alǵan durys", - dep tolyqtyrdy Senat Tóraǵasy.
