«Nur Otan» Arys turǵyndaryna qajetti barlyq kómek sharalaryn qolǵa alady. Bul týraly «Nur Otan» partiiasy Tóraǵasynyń Birinshi orynbasary Máýlen Áshimbaev óziniń Facebook-taǵy paraqshasynda jazdy, dep habarlaidy "Ult aqparat".
«Búgin Túrkistan oblysynyń Arys qalasynda ornalasqan áskeri bólimniń aýmaǵynda jarylys boldy. Memleket basshysy Qasym-Jomart Toqaev tótenshe jaǵdaidyń zardaptaryn joiyp, jarylystyń sebepterin anyqtaý jáne turǵyndardyń qaýipsizdigin qamtamasyz etý jóninde shuǵyl sharalar qabyldaýdy tapsyrdy. Óńirde oblys ákimi, partiiamyzdyń aimaqtyq filialynyń tóraǵasy Ómirzaq Shókeev jetekshilik etetin jedel shtab quryldy», - delingen jazbada.
Sondai-aq Máýlen Áshimbaev bul oqiǵa boiynsha «Nur Otan» partiiasynyń belsendi áreketin atap ótken.
«Qazirgi tańda «Nur Otan» partiiasynyń aimaqtyq jáne aýmaqtyq filialdarynyń ókilderi turǵyndardy qaýipsiz jerge kóshirip, ornalastyrý jumystaryna belsendi qatysýda. Jergilikti jerde partiiamyzdyń oblystyq filialynyń basshylyǵy ákimdikpen jáne Tótenshe jaǵdailar departamentimen birlesip oqiǵaǵa qatysty máselelerdi sheshý jumystaryn júrgizýde», - deidi partiia Tóraǵasynyń Birinshi orynbasary.
Sonymen qatar ol partiianyń Arys turǵyndaryna qajetti barlyq kómek sharalaryn qolǵa alatynyn tilge tiek etedi.
«Bizdiń partiia Arys qalasynyń turǵyndaryna qajetti barlyq kómek sharalaryn qolǵa alady. Azyq-túlikpen jáne kiim-keshekpen qamtamasyz etýden bastap, olardyń ýaqytsha ornalasýlaryna, aldaǵy ýaqytta eldi mekenniń infraqurylymyn qalpyna keltirýge deiingi jumystarǵa tikelei atsalysamyz. Búginnen bastap partiiamyzdyń Túrkistan oblystyq filialy gýmanitarlyq kómek jinaý jumystaryn qolǵa aldy. Bul jumysqa partiiamyzben birge elimizdegi barlyq bastaýysh partiia uiymdarynyń ókilderi de jumyldyrylady.
Aldymen Arys qalasynyń ár turǵynynyń qaýipsizdigin qamtamasyz etip, keiin jedel túrde oryn alǵan oqiǵanyń sebep-saldaryn anyqtaý qajet dep esepteimin. Bizdiń partiia bul is boiynsha tergeýdiń ashyq ári ádil júrgizilýin talap etedi», - delingen Máýlen Áshimbaevtyń jelidegi jazbasynda.
