Qazaqstan Respýblikasy Parlamenti Senatynyń Tóraǵasy Máýlen Áshimbaev Facebook áleýmettik jelisinde Qurban ait meiramymen quttyqtady, dep habarlaidy "Ult aqparat".
«Qurmetti dostar! Barshańyzdy qasietti Qurban ait meiramymen quttyqtaimyn! Qurban ait adamzatty imandylyqqa, qaiyrymdylyqqa jáne izgilikke úndeidi. Osy kúnderde barsha musylman qaýymy Alla jolynda qurbandyq shalyp, muqtaj jandarǵa qol ushyn sozyp, kómek kórsetýge asyǵady. Mundai igi amaldar eldiń yrys-yntymaǵyn arttyryp, ózara kelisim men túsinistikti nyǵaita túsedi» delingen quttyqtaýda.
Parlamenti Senatynyń Tóraǵasy biyl da búkil álem qasietti merekeni kúrdeli kezeńde qarsy alýǵa májbúr bolyp otyrǵany aita kele: «Osy rette bul indetti toqtatý úshin karantin talaptaryn saqtap, vaktsina ektirýdiń mańyzy zor. Iske asyrylyp jatqan sharalardyń negizinde osy indetten kóp uzamai qutylamyz dep senemiz. Ulyq merekemen quttyqtai otyryp, elimizge amandyq, jerimizge tynyshtyq, ár shańyraqqa shattyq tileimin! Shalǵan qurbandyqtaryńyz ben nietterińiz qabyl bolsyn! Aittan aitqa aman-esen jete bereiik!» - dedi.
