Senat tóraǵasy Máýlen Áshimbaev názik jandardy Halyqaralyq áielder kúnimen quttyqtady, dep habarlaidy "Ult aqparat".
«Ardaqty analar, aiaýly arýlar!
Barshańyzdy Halyqaralyq áielder kúnimen shyn júrekten quttyqtaimyn! Bul kún – analarymyzdyń, ápke-qaryndastarymyzdyń jáne qyzdarymyzdyń merekesi. Sondyqtan 8 naýryzdy meiirim men sulýlyqtyń kúni dep qabyldaimyz.
Áielder qaýymy qashanda otbasynyń uiytqysy jáne bereke-birliktiń bastaýy ekeni sózsiz. Sizder urpaq tárbieleý arqyly tutas ultty tárbieleisizder. Sol arqyly eldiń bolashaǵyn qalyptastyrýǵa tikelei úles qosyp kelesizder», - dedi Máýlen Áshimbaev.
Senat tóraǵasynyń aitýynsha, tarihymyzda qiyn-qystaý kezeńderde el taǵdyryna aralasyp, danalyq pen parasattylyqtyń ozyq úlgisin kórsete bilgen analarymyz da az bolmaǵan. Oǵan Domalaq, Qarashash, Bopai siiaqty analarymyzdyń ónegeli ómiri aiqyn dálel. Qazirgi tańda Qazaqstan áielderi osyndai sara joldy laiyqty jalǵastyryp keledi deýge tolyq negiz bar.
«Shyn máninde, búginde áielder qaýymy otbasylyq qundylyqtardy saqtaýmen birge, memlekettik basqarý, áleýmettik qyzmet, biznes siiaqty barlyq salada óte belsendi. Soǵan sáikes, qoǵamda áiel azamattardyń róli aitarlyqtai arta tústi. Osy rette táýelsiz Qazaq eliniń jeńisteri men jetistikterine áielderdiń de sińirgen eńbegi orasan zor ekenin erekshe atap ótkim keledi.
Búgingi meirammen quttyqtai otyryp, barshańyzǵa zor densaýlyq, uzaq ǵumyr jáne otbasylaryńyzǵa amandyq tileimin! Árdaiym kóktemdei qulpyryp júre berińizder. Mereke qutty bolsyn!», - dedi Senat tóraǵasy.
