Senat Tóraǵasy Máýlen Áshimbaev ákimderdi tikelei halyqtyń sailaýyna múmkindik beretin zańdardyń qabyldanýyna qatysty pikir bildirdi, dep habarlaidy QazAqparat.
«Qabyldanǵan zańdar aýdandyq mańyzy bar qalalar, aýyldar, kentter, aýyldyq okrýgter ákimderiniń tikelei halyqtyń daýys berýimen sailanýyn bekitip, sailaý protsesiniń tártibin aiqyndaidy. Sondai-aq saiasi partiialardyń Májilis pen máslihattarǵa ótý shegin 7-den 5 paiyzǵa deiin tómendetý kózdelip otyr. Munymen qosa, daýys berý biýlletenderine «bárine qarsymyn» degen baǵan qosylady. Bul elimizdiń qoǵamdyq-saiasi ómirindegi asa mańyzdy oqiǵa. Memleket basshysynyń osy bastamasy elimizdiń saiasi júiesin odan ári damytýǵa jáne saiasi básekelestikti kúsheitýge aitarlyqtai úles qosatyny sózsiz», - dedi M. Áshimbaev Senattyń jalpy otyrysynda.
Onyń paiymynsha, jergilikti ákimderdiń sailaýyn ótkizý basqarý júiesiniń tiimdiligin arttyrmaq.
Aita keteiik, Senattyń jalpy otyrysynda «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» QR Konstitýtsiialyq Zańy men «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly» Zańy qabyldandy.
