سەنات تٶراعاسى مەۋلەن ەشٸمباەۆ ەكٸمدەردٸ تٸكەلەي حالىقتىڭ سايلاۋىنا مٷمكٸندٸك بەرەتٸن زاڭداردىڭ قابىلدانۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«قابىلدانعان زاڭدار اۋداندىق ماڭىزى بار قالالار, اۋىلدار, كەنتتەر, اۋىلدىق وكرۋگتەر ەكٸمدەرٸنٸڭ تٸكەلەي حالىقتىڭ داۋىس بەرۋٸمەن سايلانۋىن بەكٸتٸپ, سايلاۋ پروتسەسٸنٸڭ تەرتٸبٸن ايقىندايدى. سونداي-اق ساياسي پارتييالاردىڭ مەجٸلٸس پەن مەسليحاتتارعا ٶتۋ شەگٸن 7-دەن 5 پايىزعا دەيٸن تٶمەندەتۋ كٶزدەلٸپ وتىر. مۇنىمەن قوسا, داۋىس بەرۋ بيۋللەتەندەرٸنە «بەرٸنە قارسىمىن» دەگەن باعان قوسىلادى. بۇل ەلٸمٸزدٸڭ قوعامدىق-ساياسي ٶمٸرٸندەگٸ اسا ماڭىزدى وقيعا. مەملەكەت باسشىسىنىڭ وسى باستاماسى ەلٸمٸزدٸڭ ساياسي جٷيەسٸن ودان ەرٸ دامىتۋعا جەنە ساياسي بەسەكەلەستٸكتٸ كٷشەيتۋگە ايتارلىقتاي ٷلەس قوساتىنى سٶزسٸز», - دەدٸ م. ەشٸمباەۆ سەناتتىڭ جالپى وتىرىسىندا.
ونىڭ پايىمىنشا, جەرگٸلٸكتٸ ەكٸمدەردٸڭ سايلاۋىن ٶتكٸزۋ باسقارۋ جٷيەسٸنٸڭ تيٸمدٸلٸگٸن ارتتىرماق.
ايتا كەتەيٸك, سەناتتىڭ جالپى وتىرىسىندا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭى مەن «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سايلاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى قابىلداندى.
