Qazaqstan Úkimetinde birqatar kadrlyq ózgerister oryn aldy. Bul týraly QR Premer-Ministriniń baspasóz qyzmeti habarlaidy.
Qazaqstan Respýblikasy Úkimetiniń Qaýlysymen Áset Maratuly Maǵaýov QR energetika vitse-ministri qyzmetine taǵaiyndaldy. B. Aqsholaqov berilgen ótinishine sáikes laýazymynan bosatyldy.
Á. Maǵaýov 1972 jyly Atyraý oblysynyń Qulsary aýylynda dúniege kelgen. I. M. Gýbkin atyndaǵy Máskeý munai himiiasy jáne gaz ónerkásibi institýtyn támamdaǵan, Halyqaralyq Valiýta Qorynda jáne Aziia Damý Bankinde taǵylymdamadan ótken. Eńbek jolyn 1994 jyly bastaǵan. Ártúrli jyldary «Teńizmunaigaz» AQ, «Qazaqoil» JAQ, «Munai jáne gaz tasymaldaý» UK» AQ, «QazMunaiGaz» AQ, «Teńizshevroil» JShS, «Mańǵystaýmunaigaz» AQ jumys istegen. 2008–2010 jyldary — QR energetika jáne mineraldy resýrstar vitse-ministri; 2010–2011 jyldary — QR munai jáne gaz vitse-ministri. 2017 jylǵy jeltoqsannan bastap KAZENERGY qaýymdastyǵynyń bas direktory laýazymyn atqarǵan.
Sonymen qatar, Qazaqstan Respýblikasy Úkimetiniń Qaýlysymen Mádina Erasylqyzy Ábilqasymova basqa jumysqa aýysýyna bailanysty QR ulttyq ekonomika birinshi vitse-ministri qyzmetinen bosatyldy.
QR Mádeniet jáne sport ministriniń buiryǵymen Qýat Qaharmanuly Borash Til saiasaty komitetiniń tóraǵasy qyzmetinen bosatyldy.
