QR Prezidentiniń Jarlyǵymen Áset Erǵaliev Qazaqstan Respýblikasynyń Ulttyq ekonomika ministri bolyp taǵaiyndaldy, dep habarlaidy QazAqparat.
Áset Armanuly 1987 jyly 18 maýsymda dúniege keldi.
Qazaqstan menedjment, ekonomika jáne boljaý institýtyn (2008) bitirdi; Halyqaralyq biznes mektebi (Shvetsiia) (2008); Iork ýniversiteti (2009 j.); Nottingem ýniversiteti, ekonomist (2010).
Eńbek joly: Londondaǵy Eýropalyq qaita qurý jáne damý bankiniń Shyǵys Eýropa jáne Kavkaz ekonomikalyq departamentine arnalǵan aimaqtyq ekonomikalyq saiasat taldaýshysy (2010-2011);
Londondaǵy Eýropalyq Qaita qurý jáne Damý Banki Ekonomika departamentiniń aǵa sarapshysy (2011-2012 jj.);
Aimaqtyq ekonomist, Ekonomikalyq bank, Eýropa qaita qurý jáne damý banki, London (2011);
«Ekonomikalyq zertteýler institýty» AQ Basqarma tóraǵasynyń orynbasary, Basqarma tóraǵasynyń orynbasary, Basqarma tóraǵasynyń birinshi orynbasary (2013-2016 jj.);
«Ekonomikalyq zertteýler institýty» AQ Basqarmasynyń tóraǵasy (02.2016-10.2016);
«Báiterek NMH» AQ Basqarma Tóraǵasynyń keńesshisi (10.2016-12-2016);
Qazaqstan Respýblikasy Premer-Ministriniń keńesshisi (2016-2018 jj.);
Qazaqstan Respýblikasy Premer-Ministri Keńsesi Jobasyn basqarý ortalyǵynyń bastyǵy (07.2018-09.2018);
Qazaqstan Respýblikasy Ulttyq ekonomika vitse-ministri (2018-2019).
QR Prezidenti janyndaǵy ekonomikalyq ósýdi qalpyna keltirý jónindegi memlekettik komissiianyń múshesi (2020 jyldan beri).
Sońǵy qyzmeti 2019 jyldyń tamyz aiynan bastap QR Ulttyq ekonomika birinshi vitse-ministri.
Eske sala ketsek, Qazaqstan Respýblikasy Úkimetiniń quramy týraly Prezident Jarlyǵy shyqty.
