QR Ulttyq ekonomika ministri Áset Erǵaliev 2023 jyldan bastap Eýropalyq odaq elderinde engiziletin kómirtek salyǵyna qatysty pikir bildirdi, dep habarlaidy QazAqparat.
«Eýropalyq odaq 2023 jyldan bastap kómirtek salyǵyn engizýdi josparlap otyr. Ol ziiandy shyǵaryndylar deńgeii óte joǵary óndiriske importtalatyn taýarlarǵa engiziletin bolady. Aita keterligi, mundai elder úshin 2026 jyldyń 1 qańtaryna deiin kóshpeli kezeń usyný múmkindigi de qarastyrylyp jatyr. Eger de qandai da bir taýarlar jaiynda aitar bolsaq, onda olar – munai ónimderi, bolat, aliýminii, tsement, organikalyq himiia taýarlary. Kómirtek salyǵy qurylymyna qatysty Eýropalyq odaqta talqylaý júrip jatyr», - dedi ministr Ortalyq kommýnikatsiialar qyzmetindegi baspasóz máslihatynda.
Osy rette ol atalǵan talqylaýlar barysyn tyńǵylyqty baqylap, saraptama júrgizip otyrǵandyqtaryn jáne Eýraziialyq ekonomikalyq odaqtaǵy seriktesterimizben keńes júrgizetindikterin atap ótti.
«Jalpy, esepteýler júrgizilip jatyr. Menińshe, osy jyldyń sońyna deiin kartina aiqyndalatyn bolady», - dedi Áset Erǵaliev.
