قر ۇلتتىق ەكونوميكا مينيسترٸ ەسەت ەرعاليەۆ 2023 جىلدان باستاپ ەۋروپالىق وداق ەلدەرٸندە ەنگٸزٸلەتٸن كٶمٸرتەك سالىعىنا قاتىستى پٸكٸر بٸلدٸردٸ, دەپ حابارلايدى قازاقپارات.
«ەۋروپالىق وداق 2023 جىلدان باستاپ كٶمٸرتەك سالىعىن ەنگٸزۋدٸ جوسپارلاپ وتىر. ول زيياندى شىعارىندىلار دەڭگەيٸ ٶتە جوعارى ٶندٸرٸسكە يمپورتتالاتىن تاۋارلارعا ەنگٸزٸلەتٸن بولادى. ايتا كەتەرلٸگٸ, مۇنداي ەلدەر ٷشٸن 2026 جىلدىڭ 1 قاڭتارىنا دەيٸن كٶشپەلٸ كەزەڭ ۇسىنۋ مٷمكٸندٸگٸ دە قاراستىرىلىپ جاتىر. ەگەر دە قانداي دا بٸر تاۋارلار جايىندا ايتار بولساق, وندا ولار – مۇناي ٶنٸمدەرٸ, بولات, اليۋمينيي, تسەمەنت, ورگانيكالىق حيمييا تاۋارلارى. كٶمٸرتەك سالىعى قۇرىلىمىنا قاتىستى ەۋروپالىق وداقتا تالقىلاۋ جٷرٸپ جاتىر», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى رەتتە ول اتالعان تالقىلاۋلار بارىسىن تىڭعىلىقتى باقىلاپ, ساراپتاما جٷرگٸزٸپ وتىرعاندىقتارىن جەنە ەۋرازييالىق ەكونوميكالىق وداقتاعى سەرٸكتەستەرٸمٸزبەن كەڭەس جٷرگٸزەتٸندٸكتەرٸن اتاپ ٶتتٸ.
«جالپى, ەسەپتەۋلەر جٷرگٸزٸلٸپ جاتىر. مەنٸڭشە, وسى جىلدىڭ سوڭىنا دەيٸن كارتينا ايقىندالاتىن بولادى», - دەدٸ ەسەت ەرعاليەۆ.
