QR Ulttyq ekonomika ministri Áset Erǵaliev Ortalyq kommýkatsiialar qyzmetinde ótken baspasóz máslihatynda jalpy ishki ónim ósimine qatysty túsinik berdi, dep habarlaidy QazAqparat.
«Qazirgi kezeńde bizdiń resmi boljam biylǵa ekonomika ósimi 3,1 paiyz shamasynda. Ulttyq bankpen jáne Qarjy ministrligimen boljamnyń kelesi mejesine qatysty birlesken jumystardy atqaryp jatyrmyz. Bul boljamdy raýnd biylǵy 1 qyrkúiekte aiaqtalady. Basshylyq ekonomika ósimi 3,5 paiyz nemese odan da joǵary bolýy múmkin ekenin aitty. Aldaǵy raýndta biz ózimizdiń boljamdy mándi joǵarylatymyz degen oidamyn. Bul turǵyda bes aidyń qorytyndysy boiynsha ekonomika ósimi 1,6 paiyz deńgeiinde qalyptasty. Osyǵan deiingi raýndta 1,2 paiyzdy bolady dep eseptegen edik», - dedi Á. Erǵaliev.
Osy oraida ol halyqaralyq taýar jáne birja naryqtarynda baǵa turaqtanyp kele jatqanyn atap ótti.
Qurylys salasynda da jaqsy qarqyn bar ekenine toqtalǵan ministr, «TMD aiasynda halyqtyq jan basyna shaqqanda baspana salý boiynsha birinshi oryndamyz. Shamamen aitsaq, 3,5-ten 4 paiyzǵa deiingi dálizde bolady. Aldaǵy ýaqytta jeti aidyń kórsetkishterin nazarǵa alamyz. 3,7-3,8 paiyz bolýy múmkin», - dedi ministr.
