Almaty qalasy Sanitariialyq-epidemiologiialyq baqylaý departamenti basshysynyń orynbasary Ásel Qalyqova onlain brifing barysynda qabyldanǵan sanitarlyq-epidemiologiialyq sharalardyń, sondai-aq jappai vaktsinatsiianyń arqasynda syrqattanýshylyqty edáýir tómendetýge bolatynyn aitty, dep habarlaidy QazAqparat.
Epidemiolog Ásel Qalyqova COVID-19-ǵa qarsy ujymdyq immýnitetti adamdarǵa koronavirýstyń áser etýimen emes, vaktsinatsiia arqyly qorǵaýdy qamtamasyz etý kerektigin atap ótti. Sondyqtan koronavirýspen aýyrǵannan keiin paida bolǵan antidenelerge úmittenýdiń qajeti joq, baryp, vaktsina saldyrý kerek.
«Koronavirýs aýrýynan keiingi immýnitet kóptegen erekshelikterge ie jáne adamnyń jeke immýnitetine bailanysty. Adamnyń aýyryp, odan emdelgeni onyń immýnitetiniń qorǵalǵanyn bildirmeidi. Kovidtiń kez kelgen formasymen aýyryp, jazylsa da, onyń aǵzasyndaǵy antideneler azaiǵan kezde ol qaitadan juqtyryp alýy múmkin. Sondyqtan vaktsinatsiia máselesine barynsha baiyppen qaraý kerek», - dedi ol.
Sonymen qatar, ol koronavirýsqa qarsy vaktsinatsiia óte qajet ekenin jáne biz onyń oń nátijesin keibir elderdiń mysalynda kórip otyrǵanymyzdy aitty. Izrailde, Ulybritaniiada.
«Iaǵni, biz vaktsinatsiiadan ótken elderdiń mysalynda aýrý men ólim - jitimniń aitarlyqtai tómendegenin kóre alamyz, demek, ujymdyq immýnitetke qol jetkizýdiń bul ádisi óte tiimdi», - dep túsindirdi epidemiolog.
Onyń aitýynsha, qabyldanǵan sanitarlyq-epidemiologiialyq sharalardyń, sondai-aq jappai vaktsinatsiianyń arqasynda syrqattanýshylyqty edáýir tómendetýge bolady.
«Kóptegen almatylyqtar vaktsinanyń eki komponentin de aldy. Vaktsinalaýdyń belsendi qarqyny saqtalǵan jaǵdaida megapolis turǵyndarynda ujymdyq immýnitet qalyptasady. Men almatylyqtardy vaktsina alýǵa shaqyramyn», - deidi ol.
