Nur-Sultan soty Grýziiada qaitys bolǵan Ásel Aitpaevanyń ólimine qatysy bar dep kúdikke ilingen adamǵa bultartpas jazasyn qoldanyp, eki aiǵa qamady. Bul týraly 26 sáýirde keshke sottyń resmi saity habarlady.
Sottyń habarlaýynsha, M. esimdi kúdikti 15 shildege deiin qamaýda bolady. Oǵan Qylmystyq kodekstiń 128-bap 4-tarmaǵy boiynsha aiyp ("Adam saýdasy") taǵylǵan.
16 mamyrda Nur-Sultan politsiiasy Ásel Aitpaevanyń týysy M.Meiirbekov esimdi azamattyń adam saýdasy boiynsha ustalǵanyn habarlaǵan edi. Eger onyń kinási dáleldense, 15 jylǵa deiin bas bostandyǵynan aiyrylýy múmkin.
Qazaqstan azamaty Ásel Aitpaeva 5 mamyr túnde Tbiliside qaitys bolǵan. Onyń máiiti kópqabatty úidiń mańynan tabyldy. Grýziia tergeýshileri qyzdyń zorlanǵanyn málimdegen. Buǵan deiin Tbilisi politsiiasy kúdikti retinde Grýziianyń 57 jastaǵy azamaty Besik Tordýany qamaýǵa alǵan. Oǵan "adam zorlady" jáne "sýitsidke jetkizdi" degen aiyp taǵylǵan. Marqumnyń týystary Ásel ózine qol jumsady degen boljamǵa senbeidi jáne onyń ólimin ádil tergeýdi talap etken.
Grýzin aqparat quraldary osyǵan deiin týysynyń Ásel Aitpaevany Grýziiaǵa jiberip, "jynystyq quldyqqa" satýy múmkin degen joramal jasaǵan. Grýzin tergeýshileriniń málimetinshe, qyzdyń ólimine qatysy bar tórt kúdikti anyqtalǵan. Olardyń arasynda ony jumysqa shaqyrǵan týysy da bar. Grýziia bas prokýratýrasy oǵan syrttai aiyp taqqan.
