نۇر-سۇلتان سوتى گرۋزييادا قايتىس بولعان ەسەل ايتپاەۆانىڭ ٶلٸمٸنە قاتىسى بار دەپ كٷدٸككە ٸلٸنگەن ادامعا بۇلتارتپاس جازاسىن قولدانىپ, ەكٸ ايعا قامادى. بۇل تۋرالى 26 سەۋٸردە كەشكە سوتتىڭ رەسمي سايتى حابارلادى.
سوتتىڭ حابارلاۋىنشا, م. ەسٸمدٸ كٷدٸكتٸ 15 شٸلدەگە دەيٸن قاماۋدا بولادى. وعان قىلمىستىق كودەكستٸڭ 128-باپ 4-تارماعى بويىنشا ايىپ ("ادام ساۋداسى") تاعىلعان.
16 مامىردا نۇر-سۇلتان پوليتسيياسى ەسەل ايتپاەۆانىڭ تۋىسى م.مەيٸربەكوۆ ەسٸمدٸ ازاماتتىڭ ادام ساۋداسى بويىنشا ۇستالعانىن حابارلاعان ەدٸ. ەگەر ونىڭ كٸنەسٸ دەلەلدەنسە, 15 جىلعا دەيٸن باس بوستاندىعىنان ايىرىلۋى مٷمكٸن.
قازاقستان ازاماتى ەسەل ايتپاەۆا 5 مامىر تٷندە تبيليسيدە قايتىس بولعان. ونىڭ مەيٸتٸ كٶپقاباتتى ٷيدٸڭ ماڭىنان تابىلدى. گرۋزييا تەرگەۋشٸلەرٸ قىزدىڭ زورلانعانىن مەلٸمدەگەن. بۇعان دەيٸن تبيليسي پوليتسيياسى كٷدٸكتٸ رەتٸندە گرۋزييانىڭ 57 جاستاعى ازاماتى بەسيك توردۋانى قاماۋعا العان. وعان "ادام زورلادى" جەنە "سۋيتسيدكە جەتكٸزدٸ" دەگەن ايىپ تاعىلعان. مارقۇمنىڭ تۋىستارى ەسەل ٶزٸنە قول جۇمسادى دەگەن بولجامعا سەنبەيدٸ جەنە ونىڭ ٶلٸمٸن ەدٸل تەرگەۋدٸ تالاپ ەتكەن.
گرۋزين اقپارات قۇرالدارى وسىعان دەيٸن تۋىسىنىڭ ەسەل ايتپاەۆانى گرۋزيياعا جٸبەرٸپ, "جىنىستىق قۇلدىققا" ساتۋى مٷمكٸن دەگەن جورامال جاساعان. گرۋزين تەرگەۋشٸلەرٸنٸڭ مەلٸمەتٸنشە, قىزدىڭ ٶلٸمٸنە قاتىسى بار تٶرت كٷدٸكتٸ انىقتالعان. ولاردىڭ اراسىندا ونى جۇمىسقا شاقىرعان تۋىسى دا بار. گرۋزييا باس پروكۋراتۋراسى وعان سىرتتاي ايىپ تاققان.
