Astananyń sot alqasy Grýziiada qaza tapqan Ásel Aitbaevanyń isi boiynsha sottalǵan adamnyń úkimin kúshinde qaldyrdy, - dep habarlaidy Tengrinews.kz agenttigi.
Biyl 2 tamyzda Astana qalasynyń qylmystyq ister jónindegi mamandandyrylǵan aýdanaralyq soty Murat Meiirbekovty Qylmystyq kodekstiń eki baby: "zorlaý" jáne "adam saýdasy" boiynsha aiypty dep tanyp, 15 jylǵa bas bostandyǵynan airdy. Ol jazasyn qaýiptiligi joǵary koloniiada óteidi, sondai-aq jábirlenýshi tarapqa 10 million teńge kóleminde moraldyq shyǵyndy tóleýge mindetteldi.
"Astana qalalyq sotynyń qylmystyq ister jónindegi sot alqasynyń 2022 jylǵy 20 qyrkúiektegi qaýlysymen Meiirbekovtyń ózine taǵylǵan aiyp boiynsha kinási dáleldenýine bailanysty birinshi satydaǵy sottyń úkimi ózgerissiz qaldyryldy. Úkim zańdy kúshine endi", - dedi elordalyq sottyń baspasóz qyzmeti.
Is materialdaryna sáikes, buǵan deiin Murat Meiirbekov Ásel Aitpaevaǵa Grýziiadan jumys usynyp, onyń Qazaqstannan ushyp ketýine jaǵdai jasaǵan.
Eske salaiyq, byltyr 5 mamyr kúni Tbilisi qalasyndaǵy kópqabatty úilerdiń biriniń mańynan qazaqstandyq Ásel Aitbaevanyń denesi tabylǵan bolatyn. Grýziialyq politsiia óz-ózine qol salýǵa deiin jetkizý nusqasy boiynsha qylmystyq is qozǵady.
Kúdikti Grýziia azamaty Besik Tordýa ustaldy. Oǵan otandasymyzdy zorlady degen aiyp taǵyldy. Tordýa sot úkimi shyqqanǵa deiin qamaýǵa alynyp, kóp uzamai qaitys boldy.
Al boijetkenniń týystary Áseldiń óz-ózine qol salýy múmkin emestigin alǵa tartty.
2021 jyly 16 mamyrda Aitbaevanyń ólimi boiynsha Nur-Sultanda QR QK 120-babynyń 1-bólimi (adam zorlaý) jáne 2-tarmaq 4-bólim 128-baby (adam saýdasy) boiynsha Murat Meiirbekov ustalǵany belgili boldy.
