استانانىڭ سوت القاسى گرۋزييادا قازا تاپقان ەسەل ايتباەۆانىڭ ٸسٸ بويىنشا سوتتالعان ادامنىڭ ٷكٸمٸن كٷشٸندە قالدىردى, - دەپ حابارلايدى Tengrinews.kz اگەنتتٸگٸ.
بيىل 2 تامىزدا استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى مۇرات مەيٸربەكوۆتى قىلمىستىق كودەكستٸڭ ەكٸ بابى: "زورلاۋ" جەنە "ادام ساۋداسى" بويىنشا ايىپتى دەپ تانىپ, 15 جىلعا باس بوستاندىعىنان ايردى. ول جازاسىن قاۋٸپتٸلٸگٸ جوعارى كولونييادا ٶتەيدٸ, سونداي-اق جەبٸرلەنۋشٸ تاراپقا 10 ميلليون تەڭگە كٶلەمٸندە مورالدىق شىعىندى تٶلەۋگە مٸندەتتەلدٸ.
"استانا قالالىق سوتىنىڭ قىلمىستىق ٸستەر جٶنٸندەگٸ سوت القاسىنىڭ 2022 جىلعى 20 قىركٷيەكتەگٸ قاۋلىسىمەن مەيٸربەكوۆتىڭ ٶزٸنە تاعىلعان ايىپ بويىنشا كٸنەسٸ دەلەلدەنۋٸنە بايلانىستى بٸرٸنشٸ ساتىداعى سوتتىڭ ٷكٸمٸ ٶزگەرٸسسٸز قالدىرىلدى. ٷكٸم زاڭدى كٷشٸنە ەندٸ", - دەدٸ ەلوردالىق سوتتىڭ باسپاسٶز قىزمەتٸ.
ٸس ماتەريالدارىنا سەيكەس, بۇعان دەيٸن مۇرات مەيٸربەكوۆ ەسەل ايتپاەۆاعا گرۋزييادان جۇمىس ۇسىنىپ, ونىڭ قازاقستاننان ۇشىپ كەتۋٸنە جاعداي جاساعان.
ەسكە سالايىق, بىلتىر 5 مامىر كٷنٸ تبيليسي قالاسىنداعى كٶپقاباتتى ٷيلەردٸڭ بٸرٸنٸڭ ماڭىنان قازاقستاندىق ەسەل ايتباەۆانىڭ دەنەسٸ تابىلعان بولاتىن. گرۋزييالىق پوليتسييا ٶز-ٶزٸنە قول سالۋعا دەيٸن جەتكٸزۋ نۇسقاسى بويىنشا قىلمىستىق ٸس قوزعادى.
كٷدٸكتٸ گرۋزييا ازاماتى بەسيك توردۋا ۇستالدى. وعان وتانداسىمىزدى زورلادى دەگەن ايىپ تاعىلدى. توردۋا سوت ٷكٸمٸ شىققانعا دەيٸن قاماۋعا الىنىپ, كٶپ ۇزاماي قايتىس بولدى.
ال بويجەتكەننٸڭ تۋىستارى ەسەلدٸڭ ٶز-ٶزٸنە قول سالۋى مٷمكٸن ەمەستٸگٸن العا تارتتى.
2021 جىلى 16 مامىردا ايتباەۆانىڭ ٶلٸمٸ بويىنشا نۇر-سۇلتاندا قر قك 120-بابىنىڭ 1-بٶلٸمٸ (ادام زورلاۋ) جەنە 2-تارماق 4-بٶلٸم 128-بابى (ادام ساۋداسى) بويىنشا مۇرات مەيٸربەكوۆ ۇستالعانى بەلگٸلٸ بولدى.
