17 jastaǵy qazaqstandyq shahmatshy Bibisara Asaýbaeva Rapid jáne blitsten Polshada ótken álem chempionaty (FIDE World Rapid and Blitz 2021) aiasyndaǵy blits-týrnirdiń jeńimpazy atandy.
Jarys basynan-aq Bibisara qarsylastarynan oq boiy ozyq shyǵyp, týrnir aiaqtalýǵa bir týr qalǵanda jeńiske jetti.
Bul - otandyq sport úshin tarihi oqiǵa, óitkeni bizdiń shahmatshymyz álemdik shahmat týrnileri tarihynda "eń jas álem chempiony" atandy.
Buǵan deiin qazaqstandyq sportshy klassikalyq shahmattan 8, 10, 12 jáne 14 jasqa deiingi qyzdar arasynda álem chempiony, 7, 9 jasqa deiingi mektep oqýshylary arasynda álem chempiony atanǵan.
Sondai-aq, kúni keshe ǵana 17 jasar Bibisara tamasha óner kórsetip, osy álem chempionaty aiasynda rapidten (jyldam shahmattan) 2-oryndy jeńip alǵan bolatyn.
Blits týrniriniń qorytyndysy boiynsha, ekinshi oryndy eki kún buryn rapidten Álem chempiony atanǵan reseilik Aleksandra Kosteniýk alsa, Reseidiń taǵy bir ókili Valentina Gýnina úshinshi oryndy ielendi.
Atap óteiik, Rapid jáne blitsten álem chempionaty - sport jankúierleriniń kópshiligi úshin shahmat kúntizbesindegi eń súiikti jáne asyǵa kútetin oqiǵalardyń biri.
Aýqymdy sharaǵa 50 elden 200-ge jýyq sportshy – álem chempiondary men vitse-chempiondary, qazirgi el chempiondary jáne álemniń reitingi joǵary shahmatshylary qatysty.
Rapid jáne blits boiynsha álem chempionatynyń jalpy júlde qory 1 000 000 AQSh dollaryn qurady.
Otandasymyzdy jarqyn jeńisimen quttyqtaimyz!
