Qyzylorda oblysyndaǵy Asanas qalashyǵynda keshendi arheologiialyq qazba jumystary bastaldy, dep habarlaidy "Ult aqparat".
Qazba jumystary Altyn Ordanyń 750 jyldyǵy aiasynda júzege asyrylyp otyr. Ony oblystyq mádeniet, arhivter jáne qujattama basqarmasy uiymdastyrdy.
Qazbany Qorqyt ata atyndaǵy Qyzylorda memlekettik ýniversiteti janyndaǵy «Arheologiia jáne etnografiia» ǵylymi-zertteý ortalyǵy júrgizip jatyr. Jergilikti arheologtar kúshimen arshylǵan mańyzdy nysandar uzaq merzimge saqtaýǵa alynady. Odan tabylǵan jádigerler oblys mýzeileriniń qoryna ótkiziledi.
«Asanas qalashyǵy - Altyn Orda dáýiriniń etalondy eskertkishiniń biri. Sondyqtan arheologiialyq zertteý budan keiingi jyldary da jalǵasady. Oǵan qosa qorǵaý aimaǵyna sáikes qalashyqtyń aýmaǵyn qorshaý josparlanyp otyr. Kóne qala «Qazaqstannyń kieli jerleriniń geografiiasy» jobasyna engizilgen. Joba boiynsha óńirlik qasietti nysandar tizbesinde jinaqtalǵan. Asanas - jergilikti mańyzy bar tarih jáne mádeniet eskertkish. Ol Qyzylorda qalasynan ońtústik shyǵysqa qarai 48 shaqyrym jerde jatyr. Kóne qala Syrdariia aýdanyna qarasty Aidarly aýylynan 8 shaqyrym qashyqtyqta ornalasqan», - dep málim etti ǵylymi-zertteý ortalyǵy mamandary.
Asanas qalashyǵy Uly Jibek jolynyń boiynda ornalasqan. Ol kezinde iri ekonomikalyq, saýda-sattyq, aýmaqtyq mańyzy bar shaharlar qatarynda sanaldy.
«Jazba derekter boiynsha Asanas mońǵol shapqynshylyǵynan bastap belgili bolyp otyr. Sol tusta tabandy qarsylyq kórsetken.Sondyqtan kóne shahar jermen-jeksen qiratylyp, halqynyń kópshiligi qyrǵynǵa ushyraǵan. Asanas dariia boiyndaǵy ózge qalalar siiaqty kóp uzamai qaita qalpyna keltirilip, HIV-HV ǵasyrlarǵa deiin ómir súrgen. Alǵash 1899 jyly V.A.Kallaýr zerttegen. Keiinirek Horezm arheologiialyq-etnografiialyq ekspeditsiiasy 1960-1961, 1968 jyldary kóptegen qundy derekterdi jinaqtady», - dedi jergilikti ǵalymdar.
