Qazaqstan Prezidenti Nursultan Nazarbaev Asanáli Áshimovke "Qazaqstannyń eńbek eri" ataǵyn berdi, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy teatr jáne kino akteri, rejisser Asanáli Áshimovke "Qazaqstannyń eńbek eri" ataǵyn berdi" delingen Aqordanyń Twitter jelisindegi habarlamasynda.
KSSR men Qazaqstannyń eńbek sińirgen ártisi, KSSR men Qazaqstannyń memlekettik syilyqtarynyń laýreaty Asanáli Áshimov kóptegen rólderi arqyly Qazaqstannyń eń tanymal akterine ainalǵan.
Aita keteiik, biyl kórnekti teatr jáne kino akteri, rejisser, óner qairatkeri, ulaǵatty ustaz, Qazaqstan jáne KSRO halyq artisi, Memlekettik syilyqtardyń laýreaty, Halyqaralyq festivalderdiń birneshe márte júldegeri, "Otan" ordeniniń iegeri, Qazaqstan Jazýshylar Odaǵynyń múshesi, M.Áýezov atyndaǵy Qazaq Memlekettik akademiialyq drama teatrynyń kórkemdik jetekshisi, ulttyq sahna óneriniń órkendeýine mol tájiribesi, abyroi-bedelimen eleýli úles qosqan Asanáli Áshimov 80 jasqa tolyp otyr.
