Elbasynyń «Bolashaqqa baǵdar: rýhani jańǵyrý» atty maqalasy – kún tártibindegi máselelerdi kóterip turǵan aýqymdy joba, strategiialyq qujat. Damyǵan elde rýhaniiat birinshi orynda turady.
Rýhaniiat barlyq adamǵa azyq. Elbasy maqalasy óte mańyzdy ári kúrdeli. Buǵan deiin saiasi, ekonomikalyq máseleler kóbirek qozǵalyp keldi. Bul joly Elbasymyz rýhani jańǵyrý máselesin kóterip otyr. Óitkeni, rýhani bailyǵy mol adam ǵana shyn mádeniettiń damýyna úles qosa alady.
Rýhani bailyq bar jerde, eldiń birligi de nyǵaia túsedi. Elbasy óz maqalasynda týǵan jerge qamqorlyq týraly, qala men dalanyń arasyn jaqyndataiyq degen kontseptsiiany usynypty. Bul da qazirgi jaǵdaida kerek dúnie. Júregimizge qondy.
Budan bólek, latyn árpine kóshý máselesi qozǵalǵan eken. Qurastyrýshylardyń aitýynsha, latyn qarpi tek qazaq mektepterinde ǵana bolady. Bul qazaq tiline ǵana qatysty eken. Al, orys mektepterin qaitpekpiz? Búginde orys mektepterinde qazaq balalarynyń 70 paiyzy bilim alady. Sonda, sol 70 paiyzdy qaida qaldyramyz?
…Eki taraý men alty tarmaqqa, alty tapsyrmaǵa qurylǵan Elbasy baǵdarlamasy – rýhani keńistigimizdiń jańa jańǵyrýynyń jarqyn nyshany.
Asanáli ÁShIMULY, Qazaqstannyń, KSRO-nyń Halyq ártisi
