KSRO Halyq ártisi, akter, rejisser Asanáli Áshimov qazaqstandyqtardy sailaýda belsendi bolýǵa shaqyrdy, dep habarlaidy QazAqparat.
«Búgin - ulttyq mereke. Osy aitýly merekemen barsha qazaqstandyqtardy quttyqtaimyn. Árbir azamattyń tańdaý múmkindigi bar. Barlyq partiia birdei. Ár partiiada meniń kórermenim bar. Men kózimdi jumyp turyp óz tańdaýymdy jasadym. Men partiialardy bólip-jarmaimyn. Sondyqtan Májiliske halyqtyń igiligi úshin jumys jasaityn adal jáne bilimdi adamdar kelse qýanamyn. Men halyq ártisimin jáne árdaiym halqymdy qoldaimyn», - dedi Asanáli Áshimov.
Sonymen qatar, ol halyqty daýys berýge jáne azamattyq boryshyn óteýge shaqyrdy.
«Sailaýǵa kelińizder, daýys berińizder. Bul mańyzdy. Ár azamat kelýge mindetti», - dep qosty ol.
