Qazaqstannyń halyq ártisi, Memlekettik syilyqtyń laýreaty Asanáli Áshimov týǵan jeri týraly syr shertti.
Belgili ártis týǵan jeri týraly kóńil tebirnisterin ortaǵa salyp, júrekjardy syryn bólisti.
"Eldiń, jerdiń kiesi degen bar. Ár ýaqytta umytpai sálem berip turý kerek. Ol bizdiń mindetimiz dep esepteimin", - deidi ol.
Asanáli Áshimov ózi dúnie esigin ashqan Jambyl oblysy, Sarysý aýdany, Jaiylma aýyly haqynda baian etip, ótken shaqty saǵynyshpen eske aldy.
"Adam balasy jaratyǵannan keiin, sol pende qýanyshy bolady, renishi bolady. Sonyń bárine ortaq, qýanyshyna qýanyp, renishine renjitin jaǵdailar bolady. Kóńilim kishkene qulazyńqyraidy. Dostar joq. Tolyp júr bala-shaǵalary, basqalary. Biraq burynǵy eski kózder joq. Endi ómir solai... Ne isteisiń? Ómirdiń zańy solai", - deidi ol.
"Kisi syilaǵannyń quly. Sol syidan aiyrmasyn. Halyqtyń súiispenshiliginen aiyrmasyn. Sol eń basty qýanysh. Sol eń basty marapat dep túsinemin," - deidi Asanáli myrza sóz sońynda.
Sondai-aq akter búgingi talantty jastyń kóp talaptanýy kerektigin tilge tiek etedi. Qandai akter bolmasyn jan-jaqty bolyp, izdeniste júrý kerek ekenin aitady.
