Foto: IIM
Qazaqstan azamaty asa iri kólemde alaiaqtyq jasaǵany úshin qylmystyq jaýapkershilikke tartý maqsatynda Resei Federatsiiasynan ekstraditsiialandy. Bul týraly Bas prokýratýra málimdedi.
Kúdikti 2019-2020 jyldar aralyǵynda kásipkerdi aldaý jáne senimine qiianat jasaý arqyly jalpy somasy 53 million teńge mólsherde arnaiy tehnikany, sondai-aq alaiaqqa tiesili emes kólikti 35 million teńgege satyp, iri kólemindegi qarajatty jymqyrǵan.
"Qylmys jasaǵannan keiin kúdikti qashyp ketken, sol sebepti ol halyqaralyq izdeýge jariialanǵan. Ol osy jyldyń shilde aiynda Sankt-Peterbýrg qalasynda ustaldy. Qazaqstan Respýblikasy Bas prokýratýrasynyń suraýy boiynsha elge ekstraditsiialandy", - delingen habarlamada.
Qazirgi ýaqytta kúdikti Petropavl qalalyq tergeý izoliatorynda qamaýda otyr.
