Foto: Ashyq derekkózden
Shymkent qalasynda 26 jastaǵy Diana Ońǵarbaevany qasaqana óltirgen 16 jastaǵy jasóspirimge qatysty sot úkimi shyqty. 11-synyp oqýshysyna 7 jyl 6 ai bas bostandyǵynan aiyrý jazasy taǵaiyndaldy, dep habarlaidy Ult.kz.
Oqiǵa biyl shilde aiynda boldy. Tergeý málimetine súiensek, jasóspirim qalaǵa kelgen kúni Telegram jelisindegi «Shymkent jumys» chatyna «Úi jinaityn qyz qajet» degen habarlama qaldyrǵan. Diana Ońǵarbaeva kúnkóris úshin páterdi tazalaý mindetin qabyldap, kórsetilgen mekenjaiǵa barǵan.
Tazalyq jumystaryn bitirgennen keiin, ol 15 myń teńge eńbekaqysyn suraǵanda, jasóspirim «Anam beredi» dep jalǵan ýáde jasap, tólemegen. Sol sátte as úiden aǵash tutqasy bar pyshaqty alyp, kenetten shabýyl jasaǵan.
Prokýrordyń habarlaýynsha, jasóspirim Diananyń moinyna birneshe ret pyshaq suqqan, jábirlenýshi jerge qulaǵan soń da toqtamai, búirek tusyna taǵy soqqy jasaǵan. Aýyr jaraqattardan 26 jastaǵy áiel oqiǵa ornynda kóz jumdy.
