Elordalyq politseiler alaiaqtyq jasaǵany úshin halyqaralyq izdeý salynǵan «Nur-AvtoKz» JShS direktorynyń orynbasaryn ustady, dep habarlaidy QazAqparat Nur-Sultan qalalyq PD baspasóz qyzmetine silteme jasap.
2021 jyldyń qyrkúieginen politsiiaǵa 280 turǵyn shaǵym túsirgen. Kompaniia basshylyǵy olardyń aqshalai qarajaty men avtokólikterin alaiaqtyq jolmen ielengen.
«Kompaniia basshylyǵy naryqtaǵydan arzan baǵamen 45 jumys kúni ishinde avtokólik ákelip beremiz dep shart jasasqany anyqtaldy. Aqshalai qarajatty satyp alýshylar JShS-nyń kassasyna tólegen. Klientterge kelgen iri kólemdegi materialdyq zalal 3 mlrd teńgeden asady», - delingen habarlamada.
Elordalyq politsiia departamenti alaiaqtyq faktisi boiynsha QR QK 190-baby boiynsha sotqa deiingi tergeý júrgizip jatyr.
«Sotqa deiingi tergeý barysynda alaiaqtyq jasady degen aiyp taǵylǵan 35 jastaǵy JShS direktory 2021 jyldyń qazanynan tergeý organdarynan qashyp, oǵan izdeý salynǵan bolatyn. Oǵan qatysty tergeý sotynyń sheshimimen «qamaýǵa alý» bultartpaý sharasy qoldanyldy», - delingen elordalyq PD baspasóz qyzmetiniń habarlamasynda.
Kúdikti qamaýǵa alynyp, Aqtaý qalasyndaǵy ýaqytsha izoliatoryna qamaldy. Tergeý júrip jatyr.
