ەلوردالىق پوليتسەيلەر الاياقتىق جاساعانى ٷشٸن حالىقارالىق ٸزدەۋ سالىنعان «Nur-AvtoKz» جشس ديرەكتورىنىڭ ورىنباسارىن ۇستادى, دەپ حابارلايدى قازاقپارات نۇر-سۇلتان قالالىق پد باسپاسٶز قىزمەتٸنە سٸلتەمە جاساپ.
2021 جىلدىڭ قىركٷيەگٸنەن پوليتسيياعا 280 تۇرعىن شاعىم تٷسٸرگەن. كومپانييا باسشىلىعى ولاردىڭ اقشالاي قاراجاتى مەن اۆتوكٶلٸكتەرٸن الاياقتىق جولمەن يەلەنگەن.
«كومپانييا باسشىلىعى نارىقتاعىدان ارزان باعامەن 45 جۇمىس كٷنٸ ٸشٸندە اۆتوكٶلٸك ەكەلٸپ بەرەمٸز دەپ شارت جاساسقانى انىقتالدى. اقشالاي قاراجاتتى ساتىپ الۋشىلار جشس-نىڭ كاسساسىنا تٶلەگەن. كليەنتتەرگە كەلگەن ٸرٸ كٶلەمدەگٸ ماتەريالدىق زالال 3 ملرد تەڭگەدەن اسادى», - دەلٸنگەن حابارلامادا.
ەلوردالىق پوليتسييا دەپارتامەنتٸ الاياقتىق فاكتٸسٸ بويىنشا قر قك 190-بابى بويىنشا سوتقا دەيٸنگٸ تەرگەۋ جٷرگٸزٸپ جاتىر.
«سوتقا دەيٸنگٸ تەرگەۋ بارىسىندا الاياقتىق جاسادى دەگەن ايىپ تاعىلعان 35 جاستاعى جشس ديرەكتورى 2021 جىلدىڭ قازانىنان تەرگەۋ ورگاندارىنان قاشىپ, وعان ٸزدەۋ سالىنعان بولاتىن. وعان قاتىستى تەرگەۋ سوتىنىڭ شەشٸمٸمەن «قاماۋعا الۋ» بۇلتارتپاۋ شاراسى قولدانىلدى», - دەلٸنگەن ەلوردالىق پد باسپاسٶز قىزمەتٸنٸڭ حابارلاماسىندا.
كٷدٸكتٸ قاماۋعا الىنىپ, اقتاۋ قالاسىنداعى ۋاقىتشا يزولياتورىنا قامالدى. تەرگەۋ جٷرٸپ جاتىر.
