Aqtóbe oblysy 200 balany lagerge qabyldaýǵa daiyn, dep habarlaidy "Ult aqparat".
«Arys qalasyndaǵy jaǵdaiǵa bailanysty shilde aiynyń 15-inen bastap balalardy lagerge qabyldaimyz. Aqtóbe óńirinde barlyǵy 200 bala tynyǵa alady. Pedagogtar Arysqa baryp, balalardy alyp keledi, keiin jetkizip tastaidy. Birinshi kezeńde 100, tamyz aiynda taǵy 100 bala qabyldanady», - dedi Aqtóbe oblystyq bilim basqarmasynyń basshysy Lázzat Orazbaeva.
Qazirgi kezde bilim mekemeleriniń barlyǵy bir kúndik jalaqylaryn aýdaryp jatyr. Keshe 12,8 million teńge aýdaryldy, áli de qarjy bólinedi. Mektepter gigienalyq zattar men balalar oiynshyǵyn Arysqa attanǵan júk kóligine tiep jiberdi.
