اقتٶبە وبلىسى 200 بالانى لاگەرگە قابىلداۋعا دايىن, دەپ حابارلايدى "ۇلت اقپارات".
«ارىس قالاسىنداعى جاعدايعا بايلانىستى شٸلدە ايىنىڭ 15-ٸنەن باستاپ بالالاردى لاگەرگە قابىلدايمىز. اقتٶبە ٶڭٸرٸندە بارلىعى 200 بالا تىنىعا الادى. پەداگوگتار ارىسقا بارىپ, بالالاردى الىپ كەلەدٸ, كەيٸن جەتكٸزٸپ تاستايدى. بٸرٸنشٸ كەزەڭدە 100, تامىز ايىندا تاعى 100 بالا قابىلدانادى», - دەدٸ اقتٶبە وبلىستىق بٸلٸم باسقارماسىنىڭ باسشىسى لەززات ورازباەۆا.
قازٸرگٸ كەزدە بٸلٸم مەكەمەلەرٸنٸڭ بارلىعى بٸر كٷندٸك جالاقىلارىن اۋدارىپ جاتىر. كەشە 12,8 ميلليون تەڭگە اۋدارىلدى, ەلٸ دە قارجى بٶلٸنەدٸ. مەكتەپتەر گيگيەنالىق زاتتار مەن بالالار ويىنشىعىن ارىسقا اتتانعان جٷك كٶلٸگٸنە تيەپ جٸبەردٸ.
